Genesis

5 Jehovah káátsinima nínaawa otánistsiitáʼpokaʼpitapiiyssaawa annó ksááhkoyi ki áístamikakohtoʼtáókaʼpitsiihtaayaawa ósskitsipahpoaawayi. 6 Jehovah stámohtóyítsi’takiwa otsitáʼpistotoahsi nínaawa ksááhkoyi, ki stámohtsitaakaniiʼpa ósskitsipahpi. 13 Iihtsipáítapiiyoʼpa iináíʼtanistsiiwa Noah: “Ákaoʼtstsiiwa otsitssawáítáakitstsiiʼsi áípaitapiiksi, iihtánistaʼpiiwa ksááhkoyi stámohtohtoiʼtsissi satáʼpiiwa; ki ánnohk niitáakáánooksiksistotoayaawa niʼtóyi ksááhkoyi. 14 Iihtáʼpistotakít miistsísi iihtáóʼtstsissi áóksspiiksima ómahkááhkioohsaʼtsisi. Pistóóhtsi ámohka ómahkááhkioohsaʼtsisi kitáakssíkahkohtooʼpa, pistóóhtsi ki sáóohtsi kitáakohtokspainniiʼpa síkohpoyííwa. 18 Ki nitáakohtooʼpa kitáakohtokakihtommohpi; ki kitáaksstsináíiʼtsipsstoowa ómahkááhkioohsaʼtsisi, kiistówa ki kohkóíksi ki kippitáámi ki kohkóíksi oppitáámoaawaiksi kitáakohpokitsipíímayaawa. 19 Ki ohkaniitáíksowáʼpomaahkaiksi áípaitapiiksi, náátoʼkammiaawa, kitáakitsipsstsipoʼtoayaawa ómahkááhkioohsaʼtsisi ááhkitomaanistáípaitapiiyssaawa. Naapíma ki skííma áakánistaʼpssiyaawa. 22 Ki Noah stámohkanáánistaiʼtsima Iihtsipáítapiiyoʼpa otánistokákihtsimatahpi. Stámssopókaanisttotsima.