Matthew

3 Otáíʼtohkitáópissi ámohka Miistáki iitáóyʼssitaiksi Olives, otáíssksinimaʼtsaiksi iitáánistsiiyaawa “Áánikkinnaan, tsá anistsíísi áakitaanistsiiyaawa ámostsska, ki tsá áakanistsinakowa áíʼtaʼpaissiiniki ki otsitáaksiksistaʼpissi otánistaʼpaisissi ánnohk?” 6 Kitáakohtáyoohtsimihpoaawa awahkáóótsiiyssiistsi ki kitáakohtáóhtsimaahpoaawa awahkáóótsiiyssiistsi. Miinsskáíʼtakik, ámostsska áaksstsínaaʼnistsiiyaawa, áíʼksistaʼpissi nóóhkssawomao’tstsiiwa. 7 “Iyóóhkiitsitapii áakáóhkaamatsiiwa mattóóhkiitsitapii ki matápiokákihtsimaani áakáóhkaamatsiiwa mattóóhkiitsitapiokákihtsimaani, ki áakáónnatohsiiwa aoówahsini ki áakáʼpaohpiiwa kanáómiaʼnistsitstsiistsi ksááhkoyi. 8 Ámostsska áakohtomatapaʼpiiwa ipóínaohkoyssini. 9 “Kiánnikáyi matápii kitáakitsitapomátskaokiaawa ipóínaohkoyssini ki kitáakitsíʼnikkiaawa, ki kanáítapii kitáakohtáóhkanaikaimmokiaawa nitsínihkaʼsimi. 10 Kiánnikáyi, áakitstsiiʼpa akáítapiiksi áakoʼtsitskkotskiʼtakiyaawa ki áakáípistsiksistotootsiiyiyaawa ki áakáíkaimmotsiiyiyaawa. 11 Áakitstsiiʼpa aakáyimmiksi áísayiipitsiikáyissitsinikiiksi ki áakáípahtsiipiiyaawa akáítapiiksi; 12 ki otsskáóʼmatapákaohsi sáómmitáʼpiiwa matápii áakitsssikahtsiiwa otanistáwaakomimmotsiiyssaawa. 13 Ánnahka áítapipoyísskihtsiʼtakiwa áíʼksistaʼpissi áaksikamotaawa. 14 Ki ámohka niitánistáíʼtaamitsinikatooʼpi Okákihtsimaani áakohtáyiinapsskoayaawa kanáítapii kanáóʼtakssksaahkoyi ááhkitohkanáyoohtsiʼsaawa kanáómiaʼnistsitapiiksi, kiánnikáyi áakitsiksistaʼpiiwa. 21 kiánnikaaki áakiitsítstsiiʼpa isskáíʼpoinaohkoyssini máátomáíkakanistaʼpiiwa annó ksááhkoyi otáísttsitsáómatapitstsissi, saa, máátáakattonawaanistaʼpiiwa. 22 Ámostsska ksiistsikóístsi ikkámssaysiksistaʼpissaawa, máátáakitstsiiʼpa ikamótaawa; áakánoohkohtsssikáaattsstooʼpiaawa ánniksska ohsííhkataiksi. 37 Ánnika ksistsikóyi Noah otsitsipáítapiihpi, niʼtóyi áakánistsiiwa áíʼtaʼpáíssisi Ohkóyi nínaawa. 38 Áakiitomaanistsiiyaawa ánnistsi ksistsikóístsi otsítsaomáítaistsiisi oʼkákoyiwa, áóoyiyaawa ki áísimiyaawa, nínaiksi ohkíímiyaawa ki aakííksi áómatskaayaawa ááhkóomssaawa, onawáóʼtsiksistsikowa Noah otáíʼtsipissi ómahkááhkioohsaʼtsisi; 39 ki máátsíínapiʼtakiyaawa onawáóhtayíístapamaahkiayaawa oʼkákoyiwa, niʼtóyi áakánistsiiwa áíʼtaʼpáíssisi Ohkóyi nínaawa.