Micah

4 Áíitaʼpáakoʼtssataʼpissi otsitáaksiksistaʼpissi ksiistsikóístsi, Ámohka miistáki otsitsiitáʼpiiyaʼpistotsiiʼpi Jehovah ookóówani Áakoʼtsitsksspiiwa stsíkistsi miistákistsi, Ki áakoʼtsitsksspaiʼpiksiiʼpa sspahkóístsi, Ki matápiiksi áakohkanáítapooyaawa. 2 Ki aakáyimmiksi kanáómiaʼnistsitapiiksi áakitapooyaawa ki áakitaaniiyaawa: “Aistóók, áakitsitapaamisáaatooʼpa Jehovah otsíístakssini Ki Jacob otáítapaatsimoyihkaahpi Iihtsipáítapiiyoʼpa otookóówani. Áakohtaiʼstamáttsookiwa otánistaʼpaisspi, Ki áakohtáísapiksikkaʼyoʼpa ohsokóístsi.”okákihtsimaani áakohtoʼtstsiiwa Zion, Ki Jehovah otsiʼpówahsini áakohtoʼtstsiiwa Jersualem. 3 Áakokákihtsimatsiiwaiksi sstónnatakáítapiiksi Ki áakitsikamoʼtsipoʼtoyiiwaiksi ipiiyópiiksi isskonátaʼpssiiksi kanáómiaʼnistsitapiiksi. Otsínnisstoanoaawayi áakitapáʼpaiʼpiksimiaawa iihtáópahkimiksáakioʼpa Ki otáísaapápistaʼtsisoaawayi áakitapáʼpaiʼpiksimiaawa iihtáípohkoʼtakioʼpistsi. Iyóóhkiitsitapiiksi máátáakattaitapsspinnimiaawa innísttoana iyóóhkiitsitapiiksi, máátáakattssksinimiaawa ááhkanistáwaawahkaootsiiyssaawa. 4 Áakitáístaahtopiiyaawa otsiistsíímoaiksi oyʼssátaiksi, Ki máátáakitstsiiʼpa áísstonnoyiiyaawa, Jehovah isstohkínníínaawaʼsiwa naatoyítapiiksi ákaawaaniiwa.