Áakomaanistáíʼtáámipáítapiiyoʼpa Annóma Ksááhkoma!
Ámo sináákiaʼtsisi oohtssínaiiʼpi kitáakohtsspommookoowa kááhkssksinssi takáa áʼpistotsima annóma ksááhkoma ki ánnisti áóhkanáóhpitstsiistsi. Kitáakattssksiniihpa má Áʼpistotookiwa, áʼpistotsima annóma ksááhkoma, iinihkáʼsimiwa. Ámoisti kitáakattaiʼstamáttsoohpinnaana má Áʼpistotookiwa óóhtaʼpistotoahpi nínaawa ki kitáakaanistohkottsisamiʼtáámipaitapiiyihpi annóma ksááhkoma.
Nikóóhksstááhpinnaana ámoksi sináákssiiksi kitááhkohtsspommookoohsi kitááhkssokónssoaawayi ánnisti iitssínaiiʼpistsi. Áaksstónnatohkanáísokáʼpiiwa kitááhkokstákssoaayi ánnistsi naatóyssínaakssiistsi itóʼtssatssínaiiʼpistsi ánniksi sináákssiiksi. Kiánnikayi ááwáttaokstoommiiniki Naatóysspikssínaakssini kááhkitáwáttohkoissksiniihpa Áʼpistotookiwa otáánistsiksísttowahpistsi ki kaanistáóhkottoʼtsihpi íssoohtsika áóʼtstsííʼsaawa otsiksísttowahpistsi.
Ikkámsstainiki ámo sináákiaʼtsisi kitáakohkottohtsíssitapii kitááhkohtsístapsspommoahsi máttsstsíki matápiyi. Kááhkohkottohtsíssitapii kááhkaiʼstamáttsaahsi kókoʼsiksi áahkssksinoahsaawa Áʼpistotookiwa. Ikkámitáyáópiiniki ánniksi ómahksimmiksi máátáókstakiiksi kitáakattohkottohtsíssitapii ánniksi sináákssiiksi kitááhkohtsspommoahsaawa ááhkitotsistapiʼtssaawa Áʼpistotookiwa otsiksístowahpistsi, ki oostówaawaiksi, ááhksspómmoahsaawa otsííhkowaawaiksi.
Nikóóhksstaahpinnaana áyáókakisskskaʼtsimmiiniki ámo sináákssini áákohtsiistapikáyínniʼsi kááhkohko naatóyssakakimmokoohsi ki kááhkitohkottsistapsspommoahsi máttsstsíkiiksi ááhkaanistsisamipaitapiiyssaawa annóma ksááhkoma.