Omáánistawakkaamis Iihtsipáítapiiyoʼpa!

Kitáaksstsínaʼyaiyikaʼkimaa kitááhkohkaakkayssi; ki kitáaksstsínaoʼohkattaiyikaʼkimaa kitááhkomáánistaiksoʼkowammahsi kitákkaamiksi. Kitáakaatówaʼpistotooka Iihtsipáítapiiyoʼpa aʼyáíyikaʼkimainiki kitááhkomáánistawakkaamahsi. Jesus áánistsiiwaiksi iitáómaiʼtakiiksi: “Íkamoʼtssksínimaʼtstohkssini kitáakohtsípoʼtookoo.” (John 8:32) Tsá anistápanissina?

Ánnohk kitáakohkottáíʼtaa­miʼt­siiʼpa kitááhkohtsipoʼtookoohsi kánaomiaʼnistooh­kíí­taʼpiistsi. Kitáakohkottoht­sí­poʼtookoo sáyiipitsissksínimaʼt­stohk­ssini ki Makáʼpatoʼsiwa otssáyiskahtakssiistsi. Otssawáíssksinoahsaawa Iihtsipáítapiiyoʼpa matápii iikáíkkihkiniipaitapiiyaawa, máátóóhkitstsiiʼpa áísstakaanaʼpiiwa ááhkohkottsítapikaayissapssaawa, ámohka kitáakattohkottohtsipoʼtookoo. (Romans 8:22) Iihtsipáítapiiyoʼpa áakattohtsípoʼtoyiiwa otákkaamiksi “áísstonnimiksi iʼnssíni.”​—Hebrews 2:14, 15.

Kitáakohkottsiʼtaamiʼtsiiʼpa áiʼsopoksipoʼtookoiniki áóʼtstsissi Iihtsipáítapiiyoʼpa otomáánssksaahkoyi. Kitáaksstamitapiʼtaamitstsiiʼpa íssoohtsika áóʼtstsissi matsowáʼpiʼnssimaani annó ksaahkoyi, kitáakohtsípoʼtookoo awahkáóótsiiyssini, isttsíístomssini ki saommitáʼpiiwa. Kitáakattohtsipoʼtookoo kitááhkáíkimmataʼpsssi, kitááhkáóponiaakssi, kitááhkomahkitapiwaʼssi ki kitááhkáíʼnssi. Kitáakáttohtsipoʼtookoo kitááhkáíkoʼpohsi, ki kitááhkohtáyissinookoohsi makáʼpokákihtsimaani tsááhtaoʼ íyoomokókakihtsimaani. Naatóyssínaakssini ííhtsitsínikatawa Iihtsipáítapiiyoʼpa: “Kitáíkayinniiʼpa koʼtsísi kitááhkohtsitáísapistotoahsi kanáípaitapiiksi nóóhkánistapiitsííhtaahpiaawa.”​—Psalm 145:16.

Iihtsipáítapiiyoʼpa otákkaamiksi áakomaanistáípaitapiiyaawa. Iihtsipáítapiiyoʼpa ááhkohkotsiiwa sakakáʼpomatskahtakssini áísstaiksi ááhkawakkaamahsi ánistaʼpiiwa omáánistáípaitapiiyssini. (Romans 6:23) Káaksskskaʼtsit kitáakohtsikiihpi ikkámomaanistáípaitapiiyiiniki!

Iikáakaoyaawa kitáakohkottáistotsiiʼpi. Kitááhkohtssksíni­maʼt­sookoo kitááhkanistáwaawah­katah­saawa iihtáínihkioʼpistsi tsaahtaoʼ kitááhkanistáísinaakssi tsaahtaoʼ kitááhkanistáó­kooys­skaahsi. Kitááhkohkottohtssksini­maʼt­soohsi iitáíksowaʼpomaahkaiksi tsááhtaoʼ áísaisskiistsi. Kitááhkamáʼpsstaa kitááhkaʼpoowaawahkaahsi kitááhkitsiniʼsi kanáómiaʼnistssksaahkoistsi tsááhtaoʼ kanáómiaʼnistsitapiiksi. Áóʼmaanistáípaitapiiyiiniki kitááhkohkottohkanáís­tot­siiʼpiaawa ámostsska!

Áaksíístapawaakayimmiaawa kitákkaamiksi áóʼmáánistáípaitapiiyiiniki. Kitáakohkottssksinoayaawa Iihtsipáítapiiyoʼpa otákkaamiksi áóʼmaanistáípaitapiiyiiniki. Kitáakitohkóíssksiniiʼpa otánistssokitapiihpiaawa ki otánistsítsowaʼpitapiihpiaawa, ki kitáakohkattáwakkaamayaawa. Kitáakáwaakomimmayaawa ki kitáakáíssksipoʼtáwaakomimmokiyaawa. (1 Corinthians 13:8) Áóʼmaanistáípaitapiiyiiniki kitáakohkottohkanawakkaamayaawa ánniksska áípaitapiiksi annó ksááhkoyi! Áóʼmaanistáípaitapiiyiiniki áakiitsíístapáísskonataʼpiiwa kitánistáwakkaamahsi Jehovah ki ánnayi ísstohkanáísokaʼpiiwa. Kitááhksstamóóhkomaanistawakkaamahsi Iihtsipáítapiiyoʼpa!