Tsá Áakánistohkottohtsiʼ­taamipaitapii­yaawa Kitsitapíímiksi?

Áákomimmotsiiyssini isstohkanáóʼtotamaʼpiiwa ááhkohtáíʼtaamaʼpsssaawa kitsitapííminnooniksi. Ephesians 5:33

Iihtsipáítapiiyoʼpa okákihtsimatsiiwa áwaatowaʼpistotoaiksi ááhkáíʼtokskammahsi óomoaawayi tsááhtaoʼ otohkíímaanoaawayi.

Amá nínaawa awáákomimmiiwa oppitáámi áakáíkkinaaʼpaistotoyiiwayi ki áakáíkimmiiwayi.

Amá aakííwa ki amá nínaawa áátowaʼpistotoaiksi áakáyisstsiiwatsiiyaawa.

Pookáíksi áakóóhkanistaiʼtoyiiyaawa ónnoaawayi ki oksísstoaawayi.

Áaksikímmapiiyipitsiiyoʼpa ki áaksstákaanaʼpssoʼpa, máátáakáóksisto­ayaawa ki máátáakaipsstsiksistotoayaawa áwaakomimmaiksi. Colossians 3:5, 8-10

Iihtsipáítapiiyoʼpa otsíʼpowahsini iitssínaiiʼpa amá nínaawa ááhkóóhkanistawaakomimmahsi oppitáámi niʼtóyi oistómi ki amá aakííwa ááhkóóhkayi­niʼyimmahsi.

Iihtsipáítapiiyoʼpa iikáíkaiʼtsima matápii áátowaʼpistotoaiksi ááhkáípsstsiksístotootsiiyssaawa ki iikattáíkaiʼtsima nínaiksi ááhkawaakáóhkiimssaawa.

Jehovah otsíʼpowahsini áíssksinimaʼtsiyiiwa kitsitapííminnooniksi ááhkanistáíʼtaamaʼpssaawa.