Tsá Kitáakánistssksinimaʼtstohkiihpa Kit­ááhkssayiponiksoʼkowammahsi Jehovah?

Stámitápssit Iihtsipáítapiiyoʼpa. 1 Peter 5:6-9

Ohsohkít kitááhkáístotsiʼsi matápiómaiʼtakssini ánnistsska máátsitssinaiiʼpa Naatóyssínaakssini. Áaksstsínaiiʼyikitapiiyoʼpa ááhkssáyisapaatooʼsi matápiómaiʼtakssini.

Mináítsinssit matápiókakihtsimaani; ámoksska máátáínaimmiiyaawa Jehovah ki Otokákihtsimaani.

Kitáaksikámoʼtsskskaʼtaki ikkamáyisstsiiwatainiki Iihtsipáítapiiyoʼpa. Matthew 7:24, 25

Áítsinaʼpaissit Jehovah Otátohkaʼtohtaaniksi; kitáakáísspommookiaawa kitááhk­oʼtssátssksinoahsi Iihtsipáítapiiyoʼpa.

Kitáaksstámomaanistoht­aissksinimaʼtsookoo Iihtsipáítapiiyoʼpa ki kitáaksstámáíiyikaʼkimaa kitááhkanistaiʼtsiʼsaawa otokákihtsimaanistsi.

Áíiʼtaʼpomaiʼtakiiniki kitáakitohkotawa Jehovah kitsipáítapiiyssini, kiánnikayi kitáakitsisttaʼpinokoo.​—Matthew 28:19.

Áyisstsiiwatsis Iihtsi­páítapiiyoʼpa. Okstóót Naatóyssínaakssini, ki áísopowah­tsiʼsatsisaawa Jehovah Otátohkaʼtohtaaniksi kitáákáísspommookiaawa kitááhkáótsistapiʼtsiʼsaawa. Ikkamáísapáatoommiiniki kitáíssksinimaʼtsookooyi, kitáakomaanistaipaitapiiyi.​—Psalm 37:29.