Jehovah aohkókkiwa ááhkohtsikamotsíípiootsspi

29 Óma iitomáʼpistotoyiiwa naatoyítapiwa Áʼpistotookiyi iitotóómohkówáyi.

Áʼpistotookiwa iiksskááʼkomimmiiwáyi ki áakohtsissitapiiwáyi ááhkaanaoksistotoahsi makáʼpiitápiiksi ki ááhksikamotsíípiaahsi ánniksi noohkáánistáíʼtoyiiksi.​—John 3:16, 36

30 Jehovah issksksímiiwáyi ohkóyi ááhkitsipokaawaʼsiwa annóma ksááhkoma. Niitsínihkatawa Jesus. Oksísstsi aanistáyinayi Mary.​—Luke 1:30-35

31 Annáhka Jesus itómahkssi iikákáíssksinímaʼtstohkiwa sokáʼpiiwa. Issksínimáʼtstohkiwa Jehovah niʼtókskaamma Áʼpistotookiwa.​—Mark 12:29, 30

Jesus áániiwa niʼtókskaamma ááhkáítapaatsímoyihkaoʼsi anní Jehovah.​—Matthew 4:10; John 4:23, 24

Ki ohkáttssksinimaʼtsiiwa matápii anní Jehovah otokákihtsimaani.​—Luke 17:20, 21

32 Jesus iisókináápiyiiwaiksi áísttsiistomiiksi ki ohkanáísokáʼpiiwa iistotsíma. Máátonawaistotsima makáʼpiiwa.​—Acts 10:38; 1 Peter 2:21, 22

Tsá aakóóhkaanistsikamotsíípiookiwa ááhkssawáítaipahtsáʼpssoʼsi ki ááhkssawáítaiʼnioʼsi?

33 Sstsínaoʼohkotsiiwáyi ikkítstaani anní Áʼpistotookiyi ááhkohtsikamotsíípiaahsi sokáʼpssiiksi matápiiksi. Isskóóhtsika Áʼpistotookiwa aanistsííwaiksi otsípahtsáʼpssoaawaistsi matápiyi mááhkitáíkkitstakssaawa itáíksowáʼpaomaahkaiksi.​—Hebrews 7:25, 27

34 Jesus máátonawáíkkitstakiwa itáíksowáʼpaomaahkaiksi. Ikkítstoomookiwa otsipáítapiiyssini.​—Matthew 20:28; Hebrews 10:12

Kítaiʼssksiniihpa óohtáánisttsihpi?