Kiistówa kitáaksikííhpa?

50 Kítaiʼsstááhpa kááhkomaanistáípaitapiiyssi aoʼtstsííssi anníhka matsowáʼpiʼnssimaani?

Kitáaksstamakíssksiniihpa Áʼpistotookiwa otániihpistsi. Kitáaksstamssáakssksiniihpa niitáókstooʼpi anní Naatóysspikssínaakssini.​—John 17:3; Revelation 1:3

51 Kitáaksstamakíssksinoawa Jesus.​—Deuteronomy 18:18, 19; John 3:16; Acts 3:19-23

52 Kitáaksstamiiyikaʼkimatooʼpi kitááhksístotssi sokáʼpiiyi ki kitááhkaanistaiʼtoahsi Jehovah.​—Romans 6:17, 18, 22

53 Kítssksiniihpa, Jehovah áániiwa mááhkssawáíʼnikkioʼsi matápii.​—Exodus 20:13; 1 John 3:11, 12

54 Máátáakáíkamoʼsatomoayi matápii.​—Exodus 20:15; Ephesians 4:28

55 Amá nínaawa niʼtókskaamma oppitáámi ánnayi áakohpokáópiimiiwayi ki ánnayi áakaohpoksoʼkaamiiwayi.​—Exodus 20:14, 17; 1 Thessalonians 4:3

56 Kítaiʼsaakiáíssksiniihpa má Áʼpistotookiwa otániihpi má nínaawa otáákaanistsitápiiyihpi oppitáámiksi? Má nínaawa tsá áakáánistsisamohpokáópiimiiwa oppitáámi?​—Genesis 2:22, 24; Matthew 19:5, 6; 1 Corinthians 7:2, 10, 11

57 Kítssksiniihpa niʼtókskaamma Jehovah áakawaatsímoyihkatawa.​—Matthew 4:10; 1 Corinthians 8:6

58 Máakssawaohkottsspómmookiyi iyáaksiksáakssiiksi?​—1 Corinthians 8:4

Kátaiʼsokaʼpííwaatsiksi ááhkáínaanioʼsi iyáaksiksáakssiiksi?​—Deuteronomy 27:15; 1 John 5:21

59 Máaksskaoʼkaʼpiiwa ááhkohtáyíssitapioʼsi iksísstaʼpiiyi, pisátsskaʼssini, tsááhtaoʼ ipíkatoʼssini?​—Deuteronomy 18:10-13; Revelation 21:8

60 Ámoksska makáʼpatoʼsiiksi áʼpimmiiyaawa Áʼpistotookiyi. Ohtáyissitapiiyaawa áípapaoʼkaiksi ááhkitohtsipahtsíípiaahsaawa matápiiksi.​—Acts 16:16

61 Áakáísstsinaiʼtapaatsímoyihkaoʼpa Áʼpistotookiwa. Aatsímoyihkaani aanistáʼpiiwa ááhkáísitsipssatahsi Áʼpistotookiwa, áakitanistawa otáísstaoʼsi ááhkáísapáatoʼsi otsíʼpówahsiistsi ki áakitáínihkatsimatawa ááhkitáísspommookssi.​—Philippians 4:6, 7

62 Áakáísstsinaʼwaanistaiʼtoawa Jesus ki áakáísstsinaiʼtomaiʼtakioʼpa.​—Hebrews 5:9; John 3:16

63 Kítssksiniihpa ohtsíʼniwa ááhkitsikamotsíípiookssi.​—Romans 5:8

64 Kítssksiniihpa Jesus niʼtsitáóhkinníínaawa ki máátáínoawa. Áaksstamaanistáíʼtoawa.​—Philippians 2:9-11; Revelation 19:16

65 Jesus áániiwa kitááhkohtaʼpáítsinikssi ámostsska sokáʼpiistsi kitáíssksinimáʼtsookoistsi ki ánniksi áísstaiksi ááhkáísapáatoʼsaawa Áʼpistotookiyi otsíʼpówahsiistsi ááhkáísttaʼpinahsaawa.​—Matthew 28:19, 20; John 4:7-15

66 Ki ánnohk, kítáóhkottssitsípssatayi kitákkaiksi ámoistsi sokáʼpiistsi.​—Matthew 10:32

67 Ikkamáísokokstakiiniki, kítáakohkottakáíssksiniihpi mattsstsíkiistsi sokáʼpiistsi ki kítáakitohkottssoksspómmoayi mattsstsíkiiksi.​—2 Timothy 2:15

68 Jesus máttaiʼstamáttsiyiiwa iʼnáksipookaiksi ááhkaanistaiʼtoahsi Áʼpistotookiyi. Máátonawaitápisinaʼsiwaatsiksi ááhkssitsípssatahsaiksi.​—Matthew 19:13-15

69 Ikkámokóʼsiiniki kítáaksstamssksinimáʼtsaayaawa ááhkaanistaiʼtoahsaawa ki ááhkáwaakomimmahsaawa Áʼpistotookiyi.​—Deuteronomy 6:6, 7; Proverbs 6:20-22; Ephesians 6:4

70 Iikáákaoyi ohkanáómiaʼnistomaiʼtakssiistsi. Iikáákaoyaawa otomáíʼtakssoaawayi máátáakitohkoonííʼpiaawa anní Naatóysspikssínaakssini. Jehovah áániiwa ááhkáístamitskiʼsaawa ánnistsska áátsimoyíhkaanistsi máátáókamoʼtssksinimáʼtstohkiyaawa.​—Revelation 18:4; John 4:23, 24

71 Jehovah itstákiwa matápiyi annóma ksááhkoma kítáóhkottssksinimáʼtsookiaawa kitááhkakáíssksinoahsi. Kitáíssksinoáwaiksaawa?​—Acts 15:14; Romans 10:14, 15

72 Itáínihkatayaawa Jehovah’s Witnesses. Ikkinááʼpiitápiyaawa. Kítaiʼssksiniihpa óóhtaanisttsspiaawa? Otáwáákomimmotsiiyssaawa.​—Isaiah 43:10-12; John 13:34, 35

73 Otáwáákomimmahsaawa Jehovah, áístamisttáʼpinayaawa. Kiánnihkayi ohtáyiinápsskoyiiyaawa matápii ákaitaiskiʼsaawa otokáʼpipáítapiiyssoaawa ki ááhkáísstaahsaawa otsipáítapiiyssoaawa ááhkáísapáatooʼsaawa Áʼpistotookiyi otsíʼpowahsiistsi.​—Acts 2:41

74 Jehovah’s Witnesses otsitsikíʼtakiyaawa ááhkitáyaópissaawa anníhka maanííwa matsowáʼpiʼnssimaani.​—Psalm 37:9-11, 29

Kítáaksstsináíʼkiihpa kitááhkohkattsítópissi?​—James 1:22, 25; 2:20-26

75 Stámitsinssitaawa kitáakitssksiniihpa niitáísapáatooʼpi Jehovah otsíʼpowahsiistsi. Áwáákomimmiiyaawa ki áwaanistáíʼtoyiiyaawa Jehovah ki anní Christ Jesus. Kitáwáákomimmayaawa? Kítaiʼsstaahpa kitááhksspómmoahsi stsíkiiksi ááhkssksinoahsaawa Áʼpistotookiyi?​—John 6:45-47

76 Jehovah ki Christ Jesus kiikákomimmokiaawa ki kitáísstakkiaawa kitááhksstamomaanistáípáítapiiyssi anníhka matsowáʼpiʼnssimaani.​—John 3:16

Ámoksi sináákssiiksi ki iitssínaiiʼpistsi ámo sináákiaʼtsisi kikáóhtáíssksiniihpa kitáákohkottomaanistaiʼtáámipáítapiiyihpi annóma ksááhkoma. Ikkámsstainiki kááhkakáíssksinssi ámohka, kitáaksstamsitsípssatayaawa Jehovah’s Witnesses. Tsááhtaoʼ kitáaksstamitapssínaaki otsitáʼpóʼtakihpiaawa iitsisssínaiiʼpi ámo sináákiaʼtsisi.