Íssksinimaʼtstohkssini 1
Iiihtsipáítapiiyoʼpa kitáóʼohkohtáíitaʼpohtsikiiwa kiistónnoona?
1, 2. Tsá ánistápaʼpiiwa matápii iihtáísopówahtsiʼsiyaawa Iihtsipáítapiiyoʼpa, ki máakanistáísopowahtsiʼsiyaawa?
KITSIPÁÍTAPIIHPI, kítaoʼmáíkakssopowahtsiʼsatooʼpa: ‘Ikkámitstsiiʼki Iihtsipáítapiiyoʼpa iihtáíitaʼpikiiwa kiistónnoona, máakáísskaakanistsiʼtsima ókohkoyssini?’ Ohkanáókohkoyoʼpa tsááhtaoʼ íssksinoawa akáókohkoyimma.
2 Áakiitáísskaisskskaʼtakioʼpa matápii iikohtáyiistapisttsohkoyiyaawa ki iikohtáyiistapikkihkiniiʼtakiyaawa awahkáóótsiiyssini, áwaakanotsiiyiiksi, sáómmitaʼpiiwa, iyóómokokakihtsimaani, ikímmataʼpiiwa, isttsíístomssini, ki áíʼnisaawa áwaakomimmaiksi. Íssksikíípippoisstoyiimistsi, akáíitaʼpsstonnatakáítapii iihtsíʼniiksi tsááhtaoʼ iihtáwaakanaiksi tsááhtaoʼ iihtáʼtstoomiksi ookóówanoaawayi ki otsstákssoaawayi awahkáóótsiiyssini. Otsskáóʼkaʼpissi iikákayimmiaawa áwaasaiʼniiksi ki iikákaowa íkkihkinaʼpiiwa, ki máátoohkitstsiiʼpa ísstakaanaʼpiiwa ááhkóóhkohkottsitapikaayissapsssaawa.
3, 4. Tsá niitáíʼtsimiaawa matápii Iihtsipáítapiiyoʼpa otáísskáakanistsiʼtsiʼsi ókohkoyssini?
3 Tókskammiksi áístamisttsiiʼtakiyaawa ki áístamomáánistaiksimstaayaawa ikkámitstsiiʼki Iihtsipáítapiiyoʼpa, máátoohkohtáíitaʼpohtsikiiwa kiistónnoona ki íítstsiiʼpa áístamomáánistaiksimstaayaawa máátsitstsiiʼpa Áʼpistotookiwa. Kitáakohtsitsinikoohpoaawa ámohka nínaawa ííkohtokohkoyiwa otóóhkiitsitapissi, iihtáísttsikaanistotoawa ki stámohtsíístapiʼnitayaawa otákkaiksi ki otsitapíímiiksi otáíʼtstsissi Matóómomahkawahkaootsiiyssini stámiitssopówahtsiʼsiwa: “Anná annáhka Iihtsipáítapiiyoʼpa nitóóhkitáaksstakatannaana?” Annáhkayi máttsstsíkiwa ikamótaahpihkahtooma ómiksska Nazis otáíʼksimiʼnikkssaawa sstonnátakáítapiiksi otáíʼtstsissi Náátoʼkiómahkawahkaootsiiyssini, stámiitápohtsikkihkiniiʼtakiwa otáíʼnoahsi ókohkoyiiksi stámiitaniiwa: “Ikkámssínihtsimmiiniki nósskitsipahpi, kitáakohtsipótsimaʼsi.”
4 Iikakáítapiiyaawa máátáótsistapiʼtsimiaawa Iihtsipáítapiiyoʼpa otáísskáakanistsiʼtsiʼsi makáʼpiiwa ááhkitáístsissi, stámitohtssopówahtsiʼsiyaawa ikkámitstsiiʼki Áʼpistotookiwa tsááhtaoʼ kitáóʼohkohtáíitaʼpohtsikiiwa kiistónnoona. Ki tókskammiksi niitáíksimsstaayaawa niitóóhkanistohpitstsiiwa matápii ááhkáókohkoyssaawa.
[Isínaawa íítohkooniiʼpa sináákssini 2, 3]
Kítaoʼmaoʼtssataʼpiiwa máánssksaahkoyi otsítssawattáakaokohkoyoʼpi?