Iʼnííksi Áaksstaoʼohkottsiitáʼpssksipaitapiiyaawa?

NAATÓYSSÍNAAKSSINI IITSSÍNAIIʼPA

‘Áakiitstsiiʼpa issksipáítapiiyssini.’​—Acts 24:15, New World Translation.

KITÁAKOHKOKKOOWA IKKAMITÁÓMAIʼTAKIINIKI ISSKSIPÁÍTAPIIYSSINI

Kitáakohtáwaapiiwaanistotookoowa kitáakiitsiʼnimmihtaa kitáwaakomimmawa.​—2 Corinthians 1:3, 4.

Kitáakohtsípoʼtookoowa kitááhkáísstonniʼsi iʼnssíni.​—Hebrews 2:15.

Kitáakohtáwaaksistooyiʼtsiiʼpa íssoohtsika otsitáakssksipáítapiiyssi kitáwaakomimmaiksi ákaiʼniiksi.​—John 5:28, 29.

ÁAKSSTAOʼOHKOTTSIITÁʼPOMAIʼTSIIʼPA NIITÁNISTSSINAIIʼPI NAATÓYSSÍNAAKSSINI?

Áa, nioókskawa iitstsííwa áakohkottohtomaiʼtsiiʼpa:

• Iihtsipáítapiiyoʼpa áʼpistotsima ipáítapiiyssini. Naatóyssínaakssini niitsínihkatsiiwa Áʼpistotookiwa Jehovah “Iihtsipáítapiiyoʼpa.” (Psalm 36:9; Acts 17:24, 25) Ánnahkaóʼka iihkotsííwa ipáítapiiyssini ohkanáípaitapiiksi, ikkámohkotahsi ipáítapiiyssini matápii áakattohkottssksipáítapiiyáttsiiwa amá ákaiʼniwa.

• Isskóóhtsika Iihtsipáítapiiyoʼpa issksipáítapiiyáttsiiwa matápii. Naatóyssínaakssini iihtsitsínikiwa náánisoitapii issksipáítapiiyáttsaiksi​—aʼsitápii, ómahkitapii, nínaawa, ki aakííwa​—iitápssksipáítapiiyáttsaayaawa annó ksááhkoyi. Tókskaistsi amá issksipáítapiiyáttsaawa máátomáísamiʼniwa, nóóhkitstsiiʼpa tókskamma niitsísamiʼniwa niisóíksistsikoistsi!​—John 11:39-44.

• Iihtsipáítapiiyoʼpa iikóksisstssiwa ááhkssksipáítapiiyáttsaahsi matápii. Jehovah iikáíkaiʼtsima iʼnssíni; niitáíssaʼtsima anní kaahtomáána. (1 Corinthians 15:26) ‘Iikóksisstssiwa’ ááhksssikáaattsaahsi ámohka kaahtomáána, áakohtsssikáaattsstooma iʼnssíni issksipáítapiiyssini. Iikóksisstssiwa ááhkssksipáítapiiyáttsaahsaawa otssaakiáíssksinoaiksi ki ááhkáínoahsaawa ááhksskiitaʼpaisssaawa annó ksááhkoyi.​—Job 14:14, 15.