Áíʼstamáttsiis Iihtsipáítapiiyoʼpa Kitáwaakomimmahsi

Máakomáánis­tawak­kaa­mai­niki kitákkaama, kitáak­sstsínaiʼ­sit­sips­satawa. Kitákkaama kitáakáyisstsiiwatawa, ki ostóyi kitáakáyisstsiiwakka. Kitáakohtáísoksiʼpoyiwa kitákkaama, niʼtóyi kitáakohtáísoksiʼpoyiwa Iihtsipáítapiiyoʼpa ikkamáwakkaamainiki. Ááhkkippssaʼtsiiʼpa anní Naatóyssínaakssini niitánistssínaiiʼpi áakanistohkottáwaakomimmahpi Iihtsipáítapiiyoʼpa:

Áíkaapitapaatsimoyihkaat Jehovah. “Stamááhsawaatsimoyihkaat.”​—Romans 12:12.

Ááhsáókstoot Iihtsipáítapiiyoʼpa otsíʼpowahsini, anní Naatóyssínaakssini. “Naatóyssínaakssini ííhtoʼtstsiiwa Iihtsipáítapiiyoʼpa ííkitápssokaʼpiiyaawa ááhkohtáíssksinimáʼtstohkiooʼsi, ki ááhkohtáíiyiksskakioʼsi, ki ááhkohtáíkamoʼtstsooʼsi kitsipáítapiiyssinnoona ki kitsiksímsstaaninnoona.”​—2 Timothy 3:16.

Ííhtáíssksinimaʼtsiisaawa matápii Iihtsipáítapiiyoʼpa. “Kakó iihtáʼpistotakít kanáítapii áíssksinimaʼtsaiksi, . . . iihtáíssksinimaʼtsiisaawa ááhkanistaiʼtsiʼsaawa kitssksínimaʼtsoohpi.”​—Matthew 28:19, 20.

Oʼtssátsiksoʼkowammisaawa Iihtsipáítapiiyoʼpa otákkaamiksi. “Amá matápii áítsinaʼpaawahkaawa okákiitapiiksi áakáóhkattohtsiistapokakiwa.”​—Proverbs 13:20.

Áítsinohkanoot Jehovah Otátohkáʼtohtaaniksi Otsitáóhkanoohpiaawa. “Áakáísskskammotsiiyoʼpa ááhkanistohkottsspommootsiiyoʼsi ki ááhkanistawaakomimmotsiiyoʼsi, . . . ááhkanistohkottáyaahkomimmotsiiyoʼsi.”​—Hebrews 10:24, 25.

Iitsínsspommihtaat ámohka áʼpotakssini ánistaʼpiiwa ohtáyiinapsskakioʼpa Iihtsipáítapiiyoʼpa Otokákihtsimaani. “Iihtsipáítapiiyoʼpa máatáísskohtaanikkiwa [ááhkáómatskahtakiooʼsi], nóóhkawaakomimmiiwa áíʼtaamomatskahtakiiksi, ánniksska óhtoʼtomatskahtakiiksi ósskitsipahpoaawayi.”​—2 Corinthians 9:7.