Ðɛ́ Báɓòɔ̀ cɛ̃ zɔ̃̌ɔ̀ ɓá Mɛ̀sádyàɔ̀ jè dyíɛ́?

KPÁÁ-ÐƐ̀

“Bɛ́féɖèhɛ̃́ɛ̀-hwɔ̀ɖɔ̀ wè, mɔ̀ nìà ɖé Ɛ́fàɖà Gbɛ̌ɛ̀ɔ̀ múɛɛ, . . . ɖé m̀ mú, ɖéɛ̀ Éézùɖùɛ̀-nyɔ̀ ɓěɔ̀ wuɖuí-kɔ̃̀-nyɔ̀ ɖò mu sɔ̀ùn ɓó ḿ bìì.”

Mákà 5:2

JǍÀ-KPÁ-KPÁ

“Jízɛ̀ wóɖóìn ma ɖé Bɛ́fèɖèhɛ̃́ɛ̀-hwɔ̀ɖɔ̀ nìà ɖé Júɖìà-ɓòɖòɔ̀ kɔ̃ɛɛ mú.Ɔ mɔ̀ ti ɓɛ́ Hɛ́wɔ̀ɖɔ̀ mɔ̀ ma ɓóɖóɔ̀ kã́á kɛ. Púɛɛ, gàa ɖíɛ́ ɓě ɓɛ́ wa cɛ̃́ ma dɛ̀nɛ̀ mɛ́nɛ́ɛ́ ɓěɔ̀ jè mìɔ kɛɛ sɔ̀ìn ma ɖé dyóɖó-xwáɖáún-wóɖóìn-naínɔ̀, ké wa dyi ma ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú.”

Máfíò 2:1

KPÁÁ-ÐƐ̀

“Kà wa nyu ma ní mú-po-ɖɔ̀ɔ̀ geɛ̀n nyɛɛ mɔ̀, wa nyu ma gbo-ɖàɓàìn-ɖɛ̀ ɓóɛ jè.”

Wɛ́ɖɛ́ 22:18

JǍÀ-KPÁ-KPÁ

“Sójà ɓěɔ̀ cɛ̃ìn cɛ̃̀ìn ma gbo, ké wa ɖá. ‘Ɓěà ní fáìn dyi. Ɓěà mɛ nyu gbo-ɖàɓàìn-ɖɛ̀, ɓɛ́ ɓěà ké nyɔ mu ɔ kpaùn wɛ̃ɛ dyé.’ Ðɛ nìà kɛ kpá ma, ɓɛ́ ɖɛ Gèɖèpɔ́ɔ̀-cèè-ɖɛ̀ɔ̀ cɛ̃à kɛɛ ké jǎà kpá. Ðɛ ɔ cɛ̃ kɛɛ kɛà kɛ̀. Ɔ ɖá, ‘Kà wa nyu ma ní mú-po-ɖɔ̀ɔ̀ geɛ̀n nyɛɛ mɔ̀, wa nyu gbo-ɖàɓàìn-ɖɛ̀ ɓóɛ jè.’ Ɔ jèɛɛ, sójà ɓěɔ̀ nyu ma kà ɖɛa kɛ̀.”

Jɔ̃́ɔ́ 19:24

KPÁÁ-ÐƐ̀

“Bounɓoɔ̀ gmɔ̀ dyí-sɛ́ɖɛ́ìn-nyɔ̀ ɓěɔ̀ kpá séín ɓě dyí, ɓɛ́ dyúáɖò nì kɔ̃̀ ɖà jɛ̀ɖɛ̀ dyɛ mɔ̀ùn.”

Wɛ́ɖɛ́ 34:20

JǍÀ-KPÁ-KPÁ

“Ti ɓɛ́ wa dyɛ̀ìn ma Jízɛ̀ kɛɛ, wa dyéɛ ma kà ɔ ɖǎ ma    mɛ́ɛ. Ɔ jèɛɛ, wa se ma ɔ ɓo jaɖa.”

Jɔ̃́ɔ́ 19:33

KPÁÁ-ÐƐ̀

“Wa puà ma ɔ ɓó à gma-ɖuà-ɖuà ɓěɔ̀ jè.”

Àzédyà 53:5

JǍÀ-KPÁ-KPÁ

“Sójà ɓěɔ̀ ɖò taɓa ma Jízɛ̀ ɖí wáún. Ké wàɖà cá kɛɛ, ní kè nyɔmɔɔ sɔ̀ ma ɔ mú.”

Jɔ̃́ɔ́ 19:34

KPÁÁ-ÐƐ̀

“Wa pɛ́ɛ̀ìn ma ḿ séɓàɖà-cɛ̀kò kpáɖá-nyɔ ɓaɖa-bùè.”

Zɛ́kɔ̀wáɖádyà 11:12, 13

JǍÀ-KPÁ-KPÁ

“Púɛɛ, Jízɛ̀ɛ̀ ɖeín-nà-nyɔ̀ ɓaɖa-bùè sè sɔ̃́ ɓěɔ̀ dyúáɖò kɔ̃̀ nyɛ́nɛ́ mɔ̀ Júdà Ɛ́sìkáɖìɔ̀ kɛɛ mu ma sáa-zà-nyɔ̀ kpa ɖɛ ɓěɔ̀ gbo, ké ɔ diè ma wa dyi, ké ɔ ɖá, ‘Ḿ dyi Jízɛ̀ ɓě xwáɖáún zàìn ní, ɖɛ́ ɓě mu ḿ nyíìn nyɛ́?’ Ké wa gbɛ̌ìn ma séɓàɖà-pĩ̀à kpáɖá-nyɔ ɓaɖa-bùè dyí, ké wa nyíɛ ma ɔ.”

Máfíò 26;14, 15; 27:5