Xwɛ̌ m̀ ɓɛ́ìn Gèɖèpɔ́ɔ̀ bũ̌in xwɛ̃́ìn nyɛ́?

“Mɔ̀ mɔ̀à ɓaà-wùɖù gɔ̃̌-jǔ-nyɔ̀ɛɛ mɔ̀ nyɔ nyɔ séín nì dà séín nyɛɛ mu gbo dyiìn.”

Wɛ́ɖɛ́ 65:2

“Taɓa [Jɛ̀hóvà] hwìɖǐǐ hwòɖǒɛ̀-ɖé-hwɛ̀-kà. Mɔ̀ǔn ɖá ɓɛ́ m̀ ké m̀ mìɔùn nììn ɖɛ-múin-wɔ̃́-wɔ̃́ mú tè. Bounɓoɔ̀ jè mɛ nì m̀ hwìɖǐi ɖé nì nyuu-ɖɛ̀ séín mú, nìí, ɔ mu m̀ hwìè poùn.”

Nɔ́ɔ́ 3:5, 6

“Ké sè-ná-sèɛ̀ fɛ̀ɛ̀ɔ̀ kɛà kɛ̀.Ɔ mɔ̀, ɓɛ́ nyɔǔn ɓě ké mɔ̀ mɔ̀à jǎà Gèɖèpɔ́ɔ̀ dyúáɖòɔ̀ kɛɛ dyí dyuò, ɔ kè ɓɛ́ wa ké mɔ̄ mɔ̀à Jízɛ̀ Kɛ́ɖɛ́ì ɓɛ́ m̀ ɖoɓoà kɛɛ dyí dyuò.”

Jɔ̃́ɔ́ 17:3

“Kɛɛ wɛ̃́ɛ́ kɛɛ, [Gèɖèpɔ́ɔ̀] kè à ɖò se gboi tɔmɔìn.”

Àpɔ́sò 17:27

“Ðɛ kɔ̃̀ jè ḿ ɓaà kɛɛ, ɔ kɛ̀.Ɔ mɔ̀, ɓɛ́ ɓěɛ̀ ɖɛ̀ɓɛ̀ǐn-ɖɛ̀ɓɛ̀ǐnɔ̀ kè ɓěɛ̀ ɖɛ-dyí-dyuò-dyuòɔ̀ ɔ kè ɓěɛ̀ ɖɛ séín múin-wɔ̃́-wɔ̃́ɔ̀ ké kɔ̃ kpáuń nì tee.”

Fèɖópĩ̀ɔ̀ 1:9

Ɓě ɖò se hwòɖǒ-fɔ̀nɔ̀-fɔ̀nɔ̀ ɓéɖéín, nyɔɔ̀ mɛ zɔ̀ìn Gèɖèpɔ́ɔ̀, ké Gèɖèpɔ́ɔ̀ muɛ ɔ nyíìn, sepóɛɖé ɖɛ ɖò se Gèɖèpɔ́ɔ̀ xwaún dyi ku. Ɔ nyí nyɔǔn séín ɖɛ, ké ɔ ní dèɛ̀ wuɖu kɔ̃.”

Jĩ́ìn 1:5

“Ɓě xwɛ̃́ìn Gèɖèpɔ́ɔ̀ bũ̌in, nìí, ɔ mu ɓě mɔ̀ùn bũ̌in xwɛ̃́ìn. Nàmàǔn-nyɔ̀ ɓě, ɓě mɛ dèɖè xwai. Ké ɓě mɔ̀ hwòɖǒ-sɔ̃́-ɓéɖé-nyɔ̀ ɓěɛɛ, ɓě hwɔ ɓěɛ̀ hwòɖǒ-dyùàɔ̀ mú.”

Jĩ́ìn 4:8

“Sepóɛɖé ɖɛ mɔ̀ ɖɛ̀ɓɛ̀ǐn-ɖɛ̀ɓɛ̀ǐn ɓɛ́ nyɔ ɓéɖé ɓó Gèɖèpɔ́ɔ̀ bììɛɛ xwíníín nyɛɛ, ɔ kɛ̀. Ɔ mɔ̀, à nyu ɖɛ ɓě ɓɛ́ ɔ cɛ̃ɛ. Ké ɖɛ ɓě ɓɛ́ ɔ cɛ̃ɛ, wa se à bìì xwa kuɛń zi.”

1 Jɔ̃́ɔ́ 5:3