Kɔ̃̀ Nyɔ Tɔ̀ɔ̀ Ɓè Jè Gbo

Ðɛ Jízɛ̀ Nyu Ma Kɛ

VÍÐÒ: Jízɛ̀ Kè Màaɔ̀ Ðé Nì-Ɓìɔ̀ Wĩín

1. Dyé VÍÐÒƆ̀ dyi, mɔɔ zà Jɔ̃́ɔ́ 4:6-9 wuɖuún. Nìí, poìn dyi-diè-ɖɛ̀ ɓè kɔà ɓó dyíɛɛ jè hwìɖìi:

1. Ðɛ́ Jízɛ̀ dè ma dyéɖé gbo ɓá màaɔ̀ jè dyí hwɛ̀ ɔ dyi ma dɔ́ɔ́ ɖò gbɔ dè kɛ́?

2. Jízɛ̀ ɖá: “Nyí ḿ ní ɓɛ́ ḿ kéɛ ná.” Xwíníínɔ̀ nyɛ́ kɔ̃̀ jè kà Jízɛ̀ nyu ma dɔ́ɔ́ɔ̀ gbɔ dèɛ̀ kɛɛ nɔ̀mɔ̀ ma dyíin nyɛ́?

Ðɛ́ À Cɛ̃́ Jízɛ̀ Xwaún Wɛ̃́?

2. Ɔ ɓɛ́ìn xwa fɛ̃́ɛ̀n ɓɛ́ à kè nyɔ ɖò ké dɔ́ɔ́ ɖò dè nɔ̀mɔ̀ dyíin ɔ jù ké à dyi ɖɛ ɖò ɓɛ́ ɔ kpɔ̃ nyɔɔ̀ hwòɖòɛɛ jè cɛ̃ kĩ́ín ní.

Sí Jízɛ̀ Ɓo-Bɛ̃̀ìn

3. Zĩàìn ɖɛ gbo. Ɓɔ́ dɔ́ɔ́ ɖò ɓá ɖɛ ɖò ɓɛ́ ɔ nìɔ́ má m̀ hwìɖìiɛ dyíɛɛ dè-dè kɔ̃ nɛ́ɛ wɛ̃́ɛ́. Cɛ̃ ɖɛ ɖò ɓɛ́ nyɔ tɔ̀ɔ̀ ɓè nì hwìɖìi poɛ̀n zɛ̃̀ɛ̀ kɛɛ jè. Diè m̀ mìɔùn dyi:

1. ‘Ðɛ́ nì bɔ̃̀ɔ̀ kɔ̃ɛ́?’

2. ‘Ðɛ́ ní mùè ɓè, mɔɔ ní mùè kũ̀à-nyu-nyɔ̀ ɓè, mɔɔ ní mùè ɖɛ-cɛ̃́-nyɔ̀ ɓè nì jè cɛ̃ɛń nyɛ́?’

4. Dè ɖɛ dyéɖé gbo. Diè m̀ mìɔùn dyi:

1. ‘Ðɛ́ nyɔɔ̀ nì nyuɛń kàùn wɛ̃́? Ðɛ́ ɔ ɓɛ́ìn jè hwìɖìi poɛ̀n nìɛ̀ kɛ́?’

2. ‘Ðɛ́ nyɔɔ̀ mú-po-ɖɔ̀ mɔɔ ɔ nì-kà mɔɔ ɔ taàɔ̀ tɛ̀mɛ̀ìn ḿ dyí ɓá ɔ jàà-po-ɖɛ̀ ɓè, mɔɔ ɔ cĩ́-kàɔ̀ jè dyíɛ́?’

3. ‘Ɔ mɔ̀ ti nɔ̀mɔ̀ dyíin ɓɛ́ ḿ ké nyɔɔ̀ gbo wùɖùù?’

5. Tò ɖùù.

1. Ɓɔ́ wùɖùɛ̀ mìɔ.

2. Nyuɛ ɓɛ́ nyɔɔ̀ ké wùɖù. Ɔ dyi wɛ̃̀ìn ní, diè ɖɛi.