A -wʋ ˈmäna ˈmö ˈkwädlɩ- kwädlɩnɩ ˈmöˈö ˈdʋdʋ ˈwʋ!
ʼBɔgʋ -ce ʼlɛ ʼmö ʼwa -biaa ɔ ʼkaɲɩ ʼkwänɩ ʼa ʼkä -ɔ -ɓɛɛ ʼdʋdʋ -ɲɛ -li ʼwuë ʼsɔ ʼyɩɓlɩnɩ. ʼA ʼyi ʼsɛyɩɓlɩnɩ ʼnɩɩ Lagɔ, -ɔ -ɓɛɛ ʼdʋdʋ, ɔ -kä ʼŋlɩ, -maa ʼsa-a ʼɓä ɔ ʼyi ʼɓä ʼnɩkpɛ ʼwäla. ʼA ʼyi ʼsɛyɩɓlɩnɩ -sɛ ʼa ʼkä ʼkwädlɩkwädlɩnɩ ʼmäna ʼmö -wʋ ʼmöʼö ʼdʋdʋ ʼwʋ.
-A ʼpä ʼdlɩ ʼnɩɩ ʼfotɩ ʼa -vlʋgbo ɔ -kä ʼmö -yi ʼaɲɩ ʼkwänɩ, ʼa ʼkä -tiasɛ -li ʼla ʼmö ʼnʋ. ʼA -kä ʼyɩɓä ʼnɩɩ ʼa ʼkä ʼmö ʼnʋ -nʋ, ʼa -zɛlɩ Lagɔ ʼa -wɛlɩ -yɩ ʼcɛlɩ-ɛ -lɛ ʼfotɩ yɔwʋ ʼmö. ʼSɛ ʼa yiɛ -li a -li Lagɔ ʼnʋa ɔ ʼkä -nʋ ʼla -yɩ ʼcɛlɩ-ɛ -mö ʼBiblë ʼmö ʼyɩɓlɩnɩ. ʼN ʼa ʼyi ʼsɛyɩɓlɩnɩ ʼnaa, ʼsa-a Lagɔ ʼyɩɓä ʼa ʼnʋ -zɩɩ ʼa ʼkä -li a -li ʼghlɩ, -zlɩ Lagɔ ʼa ʼwɛlɩ ɔ ʼɓïla -kä ʼyli ʼwlʋ ʼnɩ.
ʼA ʼyɩɓä -kämö ʼa ʼkä ʼbɔgʋ -ce ʼlɛ ʼwʋ ʼliɓï ʼa ʼkä ʼnɩkpa -mumuë ʼkwänɩ. Ɔ ʼyi ʼaɲɩ ʼɛ ʼa -ɓlɩ ʼkwänɩ, ʼa ʼkä ʼa ʼyuëa Lagɔ ʼcia. ʼN ʼa -kä ʼdɛ -mämä ʼglɩnɩ -dɛ ʼnɩkpa ʼa -bɛ ʼnɩɛ ʼbɔgʋ ʼmö ʼzɛlɩ ʼse -yi, ʼa ʼɓɛnɩ ʼa ʼkä -mö ʼbɔgʋ ʼmö ʼa ʼfotɩ ʼwʋ ʼlïɓï, -zɩɩ ʼa ʼkʋä Lagɔ ʼa -wɛlɩ ʼmö ʼnʋa, -zɩɩ ʼwa ʼkäʼa ʼwa ʼɓɩa ʼkwänɩ.
-A ʼpä ʼdlɩ -tiamö ʼnɩɩ ʼbɔgʋ -ce ʼlɛ ʼa ʼmö -zɛlɩzɛlɛ ʼyi ʼaɲɩ ʼsɛ ʼa yiɛ Lagɔ ʼa -li a -li ʼa -bɛ ʼghlɩ -slʋnɩ. -Maa ʼsɛ ʼa yiɛ ʼnɩkpa -mumuë ʼmö ʼkwänɩɛ, ʼwa ʼkä ʼsɛ ʼwa yiɛ ʼzʋɔ ʼwa ʼkä ʼkwädlɩkwädlɩnɩ ʼmöʼö ʼdʋdʋ ʼwʋ -wʋ.
A -wʋ ˈmäna ˈmö ˈkwädlɩ- kwädlɩnɩ ˈmöˈö ˈdʋdʋ ˈwʋ!