Sɛɛ -a ˈkä bhä ˈbɔgʋ -ce ˈlɛ ˈmö a kïbhï ˈcɩɛ ˈnɩ?
-A ˈkä Biblë ˈcɩɛ a za wa -bhɛ ˈbɔgʋ -ce ˈlɛ. Sɛɛ -a ˈkɔ bhä ˈmö köbhä köbhänɩ ˈnɩ? Sɛɛ -a ˈkɔä köbhä -sɩbhä maa dɛˈɛ: Nimïï yɩbhä-kïbhï mii tɛɛnɩɛ ˈcɩɛcɩɛ-kïbhïï ˈwʋ. -Mä nimïï yɩbhä-kïbhëa a gbë ˈwʋ, -mä wa ˈzʋä zɛmösɛ-kïbhïï a ˈnaba. A nɩ zɛlɩ nimïï yɩbhä-kïbhï ˈwuë ˈmö ˈwë, a kɩɩ tɛkäsɛ dlɩ yɔwʋ pänɩ. A nɩ zɛlɩ a -sɩkaa zɛmösɛ-kïbhïï ˈmö, nzɩ a ˈkä -mä ˈa Biblë ˈmö a gbɛlɩɩ yi -wʋä -mä zɛmösɛ-kïbhïï ˈmö ˈmö zɛlɩ. A -kä ˈcɩɛcɩɛ-kïbhë -bhlʋ ˈmö zɛlɩ ˈwë, a nɩ zɛlɩ nimï yɩbhä-kïbhëa ˈmö, nzɩ a zɛmö sɛna Biblë ˈnyɩanyɩɛ, a ka ˈwʋ -ligbanɩ. A kä ˈbɔgʋ -ce nɩ zɛmö bhɩɛ, a nɩ yinɩ nimï, nzɩ a ˈkä kïbhïï ˈla ˈwuë ˈwʋ -ligbanɩ.