ˈCɩɛcɩɛ-kïbhëa 4

-Mɔ -lɛ bhä Sataa ˈnɩ?

Dɛ zuzukuzoku a ˈkifii Sataa ˈbhöönɩ bhä ˈnɩ? (1, 2)

Sɛ Sataa nʋ bhä nɩkpa ylʋ ˈnɩ? (3-7)

ˈSaa kä bhä ˈnglɩ ˈn ˈa ˈkä zuzukuzoku a ˈkifii nimï -sɛ ˈnɩ? (7)

1. Lagɔ a -gblɩnyɔ ˈkɔdɔ mɔɔ -lɛ “zuzukuzoku a ˈkifii” mɔ. Nɩkpa ˈmö “zuzukuzoku a ˈkifii” libhïnɩɛ yio ˈwʋ, ˈn ɔ nyima wa ˈnglɩ. ˈMö wa laˈɛ Sataa. Lagɔ a -gblɩnyɔ ˈkɔdɔ ˈmö wa ˈpää nglɩ ˈlɛ ˈsɔ -kpɔ. Lagɔzuzukwë a ma nɛnɩ a-a ˈmö ɔ glɩnɩ a-a tɛɛtɛɛdɔˈwʋ -mä Lagɔ yɔwʋ ˈn ˈɔ yiɛ bhabhanyɔ zʋ. Ɔ yɩbhä nɩɩ, sɛɛ nɩkpa ˈkää Lagɔ bʋbɔ, ˈmö wa nɩ bʋbɔ.—Matie 4:8-10.

2. Tɩmɛ, ˈmö zuzukwëzokwë Sataa ghlɛnɩɛ ˈmö ˈn ˈɔ -nyɛ Ɛɛvö ˈsɔ yiɛ bhïla. Ylʋ ɔ nɔɔ ˈn ˈɔ yiɛ Lagɔ ˈklʋkpamö -sɛ. Lagɔ a “ˈkämanɔ ˈkɔdʋʋ” ˈmö Sataa ˈyɩbhää ɔ ˈkä ˈwʋ ˈlibhï, nza ɔ nʋä nɩɩ, Lagɔ ˈnɩɛ ˈkämanɩ sɛ -yi. Maa nɩkpaa ɔ ˈkämanɩɛ -gömö ɔˈɔɔ nʋa -li a -lii ˈwlu. ˈN Sataa yiɛ nʋ nɩɩ, mäˈä dʋdʋ ˈwʋ a nɩkpɛ -bhlʋ aˈbhë ˈnɩɛ bhɛnɩ ɔ ˈkä Lagɔ dlɩ ˈtɛnɩ. Saˈa sɩbhä Sataa zʋa ɔnyɩ Lagɔ ˈa -gblɩnyɔɔ ˈwʋ. Nza wa lɔɔ zuzukuzoku a ˈkifii Sataa.—Genèse 3:1-5; Job 1:8-11; ˈKlʋkälɩwɛlɩɩ 12:9.

3. Nɩkpa ˈmö Sataa nʋä ylʋ wa ˈkɔ bʋbɔ a za. (2 Kɔlɛɛtɩ a -nʋa 11:3, 14) Sɛ ɔ nʋä nɩkpa ylʋ -sɩbhä ma nɩɩ: ˈFʋ a lagɔgligbïï ˈmö Sataa ghlɛnɩɛ ˈmö ˈn ˈɔ nʋä nɩkpa ylʋ. ˈN lagɔgligbë nɩ Lagɔ a dɔˈwʋ nɩkpa gbëaa ˈcɩa, Sataa ˈa libhoo ˈmö a nʋä. (Zaah 8:44) Nɩkpa -wa -wʋä -mä ˈfʋ a lagɔgligbë ˈmö, wa ˈpä -tiasɛ dlɩ nɩɩ, -tiamö a Lagɔ ˈmö wa bʋbɔ -tiamö, zɛglɛgbaa Sataa ˈmö wa bʋbɔɔ. Mɔ ‘ˈkämanɩɛ mäˈä ˈbhölɩɩ ˈmö a nɩkpa ˈwuë -gömö.—2 Kɔlɛɛtɩ a -nʋa 4:4.

4. Gukäkʋ ˈmö Sataa ghlɛnɩˈɛ ˈmö, ˈn ˈɔ ˈkämanɩɛ nɩkpa -gömö. -Mumuë mö zlii zɛmö wa ˈkä wanyɩ ˈwʋ ylɩɩ a za, wa ˈkä -mumuë gu ˈmö lɩbhä, ˈn wa ˈkä ˈwʋ ˈyɩbhä, wa nʋä zɩzɛ -lii. Sataa mɔɔ glɩnɩɛ mötɛɛnɩ zuzukwëzokwëa a -wʋä -li ˈla ˈwuë nimï. Zaa a -kä a ˈkä Lagɔ dlɩ yɔwʋ nɛnɩ nʋʋ, a nɩ tɩ gukäkʋ kɛ zɩ ˈlɩlɩlɩ.—Deutéronome 18:10-12; Tietiewaa a wɛlɩɩ 19:18, 19.

5. Sataa mɔ nʋˈɛ nɩkpa ylʋ ˈn ˈɔ ˈsunuä -mä, ˈn ˈwa tɛkpɔnɩɛ tenyii wanyɩ ˈwʋ. -Mä ˈbhölɩ -gömö a politikö zɩkpöö, ˈmö wa zʋä wa dilaa -gömö. -Mumuë -tɔnɩ nɩɩ, wa ˈbhɩa mʋa kä dɛsɛ mʋa ziɛ -mumuë ˈwʋ. Maa ɛˈɛ -bhö -tiamö. (Tietiewaa a wɛlɩɩ 10:34, 35) Nɩkpa -mumuë -wʋ -lɛ, -mä ˈbhölɩɩ -gömö a politikö zɩkpöö ˈmö wa ˈtɛɛnɩɛ dlɩ nzɩ yɩ kwä yɔlɔylʋ ˈmö -sɛ. ˈWa sɛ wa nʋa da-a za, Lagɔ ˈa ˈkämanɔ -bhlʋ -kpɔ -wʋ -kanyɩɛ yɔlɔylʋ -gömö -sɛ, ˈmö wa panɩɛ -gömö.—Daniel 2:44.

6. Dlɩpäsazoku ˈmö Sataa ghlɛnɩˈɛ ˈmö ɔ nʋä nɩkpa ylʋ. -Lizoku a nʋnʋɛ ˈnɩɛ bhɛnɩ yɩ -kanyɩ -li a -li ˈwlu nʋ, nza Zoova nʋä nɩɩ, -a nɩ tɩɩ nʋ. (Galatii a -nʋa 6:7, 8) Nɩkpa -mumuë yɩbhä nɩɩ, a -nyʋä ˈsɔ nɩ nʋnɩ ˈnyinylolii ˈgämö. A nɩ ligba, Sataa mɔ yɩbhä nɩɩ, a nɩ nʋ -li ˈla ˈwuë.—1 Kɔlɛɛtɩ a -nʋä 6:9, 10; 15:33.

7. A ˈkä Zoova -gömö panɩ a za Sataa ghlɛnɩɛ -gblɩgblɛ ˈmö ɔ kanyɩ swɩ yɔwʋ ˈkuanɩ. A Biblë a ˈcɩɛcɩʋ ˈnaa ˈkä -mumuë -wa kanyɩɛ dɛsɛ dlɩ yɔwʋ nɛnɩ, klɛ wa ˈkanyɩɛ yɔwʋ pänɩ. Nyɩɛnɩ -mumuë kanyɩɛ nyɩɛnɩ. Maa -mɔ nyɩanyɩ bhä -bhölɩbhölɛ ˈnɩ? Sataa yɩbhä ɔ kanyɩ gua a ˈkä Zoova a yɩbhlɩnɩ yɩbhlɩnɛ ˈyi ˈtatinɩ. A nɩ tɩ Sataa ˈyi ˈtatinɩ ɔ tɩa ˈwlu ˈplɩ (Matie 10:34-39; 1 Piɛlɩ 5:8, 9) ˈN a nɩ -kä Sataa nimï -sɛ, a yi Zoova ˈmäna dlɩ zɛmö ˈzʋ, mɩɩ tulanɩɛ ˈylɩmö nɩɩ, a -wʋ ɔ ˈkämanɔ ˈkɔdʋʋ nimï ˈyize.—Proverbes 27:11.

[ˈFoto yɔwʋ ˈa wɛlɩkïbhëa, kpʋ 9]

ˈFʋ a lagɔgligbïï, gukäkʋ -nyɛ ˈbhölɩ ˈwʋ tɛkpɔnɩ tɛkpɔnɛ ˈsɔ, mɩɩ dula nɩkpa.

[ˈFoto yɔwʋ ˈa wɛlɩkïbhëa, kpʋ 9]

A nɩ panɩ Sataa -gömö, nzɩ a ˈkä ˈkwädlɩ Zoova yɩbhlɩnɩ.