ˈWʋtɛɛnɩwɛlɩ

LAGƆ -Ɔ ˈTƐƐ ˈMÖ, mɔɔ ˈkämanɩɛ mäˈä ˈpɩwʋ a -lii ˈwuë -gömö. Mɔɔ -suä -aˈa zɩkpaa ˈwuë käˈmö. Ɔ bhɛnɩ ɔ -kaɲɩ -aˈa -li a -lii -a nʋä a ˈylimö a -lu ˈɲɛ, ɔ bhɛnɩˈɛ ɔ -kaɲɩ -aˈa ˈzokuu -a -nʋä a ˈpɛna ˈɲɛ. Mɔ ɲɛɛ -bhölɩbhölɛ ˈn mɔ bhɛnɩˈɛ ɔ ˈkɛ ˈwʋ ˈlibhï. -A -kɔɔ dlɩ yɔwʋ nɛnɩ, -a yi -li a -lii ghlɩ. Maa -a ˈnɔ dlɩ yɔwʋ nɛnɩ, -lizoku a ˈyize -kaɲɩɛ ghlɩ. Zaa, sɛ ɔ yɩbhää -sɩbhä -a kää -a ˈkɔ bʋbɔ.

Nɩkpa a lagɔbʋbɔsaa ˈnɩɛ muënɩ. Lagɔgligbï, sɛ ˈywii wa bhliɛ -wʋˈɛ -sɩbhä yɩ -wʋä. Maa yɩ ˈwuë nɛnɩ ɔ Lagɔ dlɩ yɔwʋ -a? Nˈnn. Zezwii, nɩkpɛ a -mɔ Lagɔ bhïlanɩ a-a ˈmö, bhïla a-a ˈywii ˈsɔ a wɛlɩɩ. Ɔ lɛ nɩɩ: “Yioo -wʋ möä -mä -kosu ˈmöö [ˈyli bhɩɛ -bɛyɩ], ˈklʋ wʋ ˈghïliɛ. Nɩkpa -wa bhïluä waˈaa muënɩ. ˈYio ˈla -n ˈkʋ plɛnɩ -n ˈkʋ bhlimö a dɔˈwʋ, yɩˈɩɛ ˈmö ˈtɛɛ. Maa ˈyioo -wʋ möä -mä Lagɔ ˈa ˈpɩwʋlelea ˈwʋʋ, wʋˈʋä ˈklʋ ˈghïli ˈlɩlɩlɩ. Nɩkpa -wa bhïluä, waˈaa -zu.”—Matie 7:13, 14.

Lagɔgligbï a ˈki ˈsɔ a ˈyize mii -bhölɩɛ. -Bhlʋ -wʋ -lɛ, -n -kaa -gänɩ, -n yi -bhölɩbhölɛ ghlɩ, maa ˈsɔnaa ˈmö a -nʋa, ˈyli wa ˈkää bhɩɛ ˈlɩlɩlɩ. Zaa, blosu ˈlɛ -kamö kwänɩ -n ˈkä ˈyio -wʋ möä -mä Lagɔ ˈa ˈpɩwʋlelea ˈwʋ ghlɩ a za, wa ˈcɛluä.