Sɛ yɩ cɛlɩɛ, zeli -sɩbhä ˈmö

1 Timotee 4:13

ˈSAA -N ˈKÄÄ NƲ: ˈPä wɛlɩɩ ghäyɩ -n ˈkä ˈmö zɛlɩ. Sɛ yɩ cɛlɩɛ, zeli -sɩbhä ˈmö.

SƐƐ -N ˈKÄÄ ˈZƲ:

• Gïganɩ sasɛ -naɲɩ ˈwlu. -Yɩ kää ˈŋlɩ ˈn wa yiɛ Biblë a gbɛlʋ ˈla ˈcɛlɩ, ˈpɩ dlɩ ˈwʋ. Sɛɛ -n ˈkää ˈmö zɛlɩ, ˈn -n ˈnaa ˈkää wɛlɩkïbhï -yɩ cɛlɩɛ ˈmö -dɩdɩnɩ, ˈcɩɛ -sɩbhä. ˈSaa -n zɛlɩɛ ˈmö, köbhɩɩ sasɛ ˈyli, -n tɩa kïbhï -mimii ˈwʋ ˈmɩɛ, -n tɩaˈɛ ˈfʋ ˈsaa ˈnɩɛ cɛlɩ ˈŋlɩ -dɩ. -N -kä ˈmö zɛlɩ dɔˈwʋ -wʋ, -n -kä sɛˈɛ a -pʋke ˈylɩmö [,] ɛ -kä [!] ɛ -käˈɛ [.] ˈn ɛ -käˈɛ [?] ˈzwi ˈklʋkpamö.

• Sɛ wɛlɩkïbhëa cɛlɩɛ, zɛla -sɩbhä ˈmö. -N ˈnɩ kïbhë -mämaa ˈmö zɛlɩ sɛ -yi, ˈyɩbhä nɩkpɛ -ɔ -yiɛ ˈmözɛlɩsɛ nimï, ɔ -kamö kwänɩ. -N -käˈɛ -wa, ˈzʋ -lɛ ˈbɔgʋʋ ˈla a ˈyukwlipʋnɩlu.

• Bhïla ˈtɩɩ. Wɛlɩkïbhï -n zɛlɩɛ ˈmö, -dii sasɛ ˈŋlɩ, ˈlibhï ˈwukpëlea ˈwlu, kälɩ sasɛ nuëa ˈklʋ -n ˈkä ˈmö -sɛnɩ. ˈTɛmanɩ ˈyli yɔwʋ -n ˈkä ˈtɩɩ bhïla.