Biblë ˈmö a kïbhï ˈlɛ, sɛɛ ˗n ˈkɩɛ sasɛ ˗li a ˗lii ˈmö ghlɩnɩ
ˈƝɛ nɩkpɛ ˈdɩ ɔ ˗kamö ˈcɩa: ˗Ɔ ɲɩamöä blosu ˈlɛ, ˈɲɔ ˈdɩ ɔ ˗kamö Biblë ˈcɩa. Möˈɛ ˗mä ˗aˈa ɛtɛnɛtɩ a dlɛsɩ ˈklʋ, nzɩ ˗n ˈkä ˈbɔgʋ ˈklʋ ˈcɛlɩ, nɩkpɛ ˈkä yi ɔ ˗kamö ˈcɩa, jw.org.
TƐKÄPƖƆ
Zɛlɩ zɛmösɛkïbhïï ˈmö, ˈn nimïyɩbhäkïbhïï ˗yɩ yuluä (1), ˈn Biblë a gbɛlɩɩ (2) ˗yɩ pɩɛnɩɛ dɛsɛkäkïbhïï ˈwʋ. Biblë a gbɛlɩ ˗mimii yɔwʋ, wa cɛlɩ ˗lɛ “zɛlɩ ˈmö.”
JIJOˈWƲ A PƖƆ
Kïbhëa (3) ˗a ˗wʋä ˈCɩɛ ˗lii ˗mimii a zɛmö, bhïla ˈsaa ˗a ˈkää yɔwʋ yɩlɩ a wɛlɩ. Wäzɩna ˈtikïyiea (4), mii bhïlaa dɛsɛkäkïbhïï a wɛlɩɩ. Zɛlɩ Biblë a gbɛlɩɩ ˈmö, ˈɲɛ nimïyɩbhäkïbhï a zɛmösɛna, ˈn ylɛ videwii (5).
Yɩlɩ sasɛ fotii ˗ɲɛ desɛ ˈsɔ (6) yɔwʋ, ˈn dɛɛ wa ˈzʋä Nɩkpa ˗mumuë lɛ nɩɩ (7), sɛɛ ˗n ˈkɩɛ zɛmö ˗sɛɛ, ˈpäni dlɩ kɛ.
ˈGBËBHLENƖPƖƆ
Dɛsɛkäkïbhïï ˗ɲɛ ˈWʋligbanɩkïbhïï ˈsɔ (8) mii ˗lɛ ˈcɩɛcɩɛkïbhëa a ˈgbëbhlenɩpɩɩ mi. ˗Zlɩ ˗n bhɩɛɛ ˈcɩɛcɩɛkïbhëa zɛmö ˈcɛli. Dɛɛ wa ˈzʋä Sɛɛ ˗n ˈkää ˈzʋ (9), mii sʋlʋnɩmöä sɛɛ ˗n ˈkää ˈcɩɛ ˈyize, ˈn sɛɛ ˗n ˈkɩɛ ˗gänɩ. Dɛɛ wa zʋä Yilii yɔwʋ (10) ˈbɔgwɩ ˗mimii ˗wʋ ˗lɛ ˗n yɩbhää ˗kamä ˗n ˈkä ˈmo zɛlɩ, videwi ˗mimii ˗wʋˈɛ ˗lɛ.
Sɛ ˗n ˈkää Biblë a gbɛlɩ ghlɩ
Biblë a ˈbɔgʋʋ wa ˗dɩɛ ˈŋlɩ, ˗mä ˗n ˈkää Biblë a gbɛlɩɩ ghlɩ (1), kïbhëa (2), ˗ɲɛ Biblë a gbɛlɩɩ ˈsɔ (3). ˈN wa ˗kä Zaah 17:3 nʋʋ, Zaah a ˈbɔgʋʋ, ˈkïbhï 17, gbɛlɩ 3 ˈmö ˗n ˈkää sɛ tɛlɩ.