˗Wa yiɛ ˈwluyɩbhäyɩbhʋ ˈwʋ kää wa ˈkä ˗yi

˗WA PÄLAA NƖKPA ˗Wa pälaa nɩkpa ˗kaɲɩ kwänɩ a za wa ˈzuëë ˗lɛ. Zaa ˗aˈa tomobïa ɛ ˗käˈɛ ˗sɩbhä a ˗lii ˗mimii, dɛɛ ˗a ˈkiɛ ˈzʋ, dɛɛ ˗a ˈkää plɛnɩ, dɛɛ ˗a ˈkää ˗mä ˈwlʋnɩ, ˈn ˗klikpï a ˗lɛ ˗sɛsʋ ˗ɲɛ ˗li ˗mimii ˈsɔ a dɔˈwʋ, ˈdɩmözʋwɛlɩɩ wa ˗kaɲɩɛ ˈɲɛɛ, a˗a nɩ ˗pʋnii sasɛ ˈyukwli.

BATƐƐMÖ Wa ˈkää badizee, mʋa ˗känɩɛ ˗klikpï ˗yɩ ˗wʋä dɛɛ bhïlawaa ˈnɩgböä a ˈyila ˈklʋ, ˈn wa ˈnɩ käböde ˗mämaa ˈŋlɩ ˗dɩ. ˈDɩmasɩ a ˈylɩ gbʋplʋ a ˈzɔkpɔsɛ, wa ˈkää badizee kä wa ˈkä ˗lɛ sɛ glɩ ˈwë, batɛɛmö a bhïlabhulu ˈkä bhäla tɛɛ. Wa kä bhʋlʋbhlʋ wa ˗ɲɛ ˈtabhï ˈkä yi ˈn ˈɲudlubanɩ ˗yɩ ˗köbhaa ˈyli.

ˈƝƐƝƐLII ˗A ˈkä ˗klikpï a ˗klikpï, gbägbälokula, televizwɩɩ ˗ɲɛ ˗lii ˗mimii ˈsɔ ghlɩ, ˗yɩ ˗kaɲɩɛ kwäɲɩ ˗aˈa ˈwluyɩbhäyɩbhʋ ˈkä sasɛ ˈwʋ ˈplɩ, ˗a ˈkäa Zoova yɔwʋ ˈdionɩ a za, moni a ˗bɛ wa plɩɛ. ˗N ˗kä dlɩ a dlɩ ˈmö ˗lu ˈwäla, yɩ yi ˈŋlɩ ˗kä, ˗a yi moni ˗a plɩɛ ghlɩ. ˈN ˗n yiˈɛ ˗aˈa lagɔlibhoo ˗a nʋä saa ˈwuë ˈyukusɛ kwä. ˗Ɔ ˗kä ˗lu ˈɲɛɛ yi a za, ˗dɔkwɩyie wa zʋä mäˈä ˈwluyɩbhäda ˈnɩɛ ˈwʋ zizaa. A bhɛnɩˈɛ a ˈkä donate.jw.org ˈmö ghlɛnɩ nzɩ a ˈkä ˈɲɛ. Sɛɛ a ɲɛɛ dlɩzɛmönanɩsɛ a za, ˗muë ˗gänɩɛ ˗aˈa ˈwlugïganɩzɩkpa ˈyuku bhälaɲɩ ˗këë.

˗DƲTAALII Wa ˈkä nɩkpɛ ˈwʋ päpänɩsɛ ˗dʋtaa ˈmö ˈyio ˈwʋ kwä a ˈyize ˈmö wa gaa.

˗LII WA ˈLIBHÏÄ A ˗kä ˗lu ˈlibhï, a ˈnɩ wʋ ˗lowli ˗yii, a nɩ kʋ ˗mä ˗wa ˗wʋä ˗lii wa ˈlibhïä a wɛlɩ ˈyli a ˈbɛyɩ. ˗Na ˗lu ˗kä tʋʋ, mö ˗n ˈkä ˗mä wa ˈbɛyɩ yɩlɩ. Yuëa ˗wa tʋä, a ˗kʋaa ghlɩ a nɩ kʋa ˗mä. ˗Maa a nɩ tʋa ˗mä ˈa yuëa kwä wa ˈkʋa ˈwʋ ˗kʋ, ɛˈɛ bhö wa libho. A tɩa ˈfʋ dlɩpänɔ ˈmö ˗wʋ a za, a nɩ köbha ˈa yuëa ˈyli wa taɲɩa dlɩ ˈwlʋnɩ teɲii.

BHLI ˗A nɩ ˈpä ˗a ˈbhɩa a dɛ dlɩ. ˗Aa ˗lowluwa, nɩkpaa ˗a ˗ɲɛɛ glɩɛ ˗budu ˗bhlʋ ˈmö, nɩkpaa ˗a ˗ɲɛɛ yinɩɛ tomobii ˗bhlʋ ˈmö, nɩkpaa ˗a ˗ɲɛɛ cɩɛˈɛɛ Biblë wa ˈyize, wa bhli ˈmö ˗a bhɛnɩɛ ˗a ˈkä ˗lɛ ˗sɛ. ˗Yayaya bhli ˗aaa ˗lɛ ˗sɛɛ, ˗a nɩ tɩ ˗lɛ yɩ ˈklʋ ˗lu ˈzʋ.

˗Ɔ ˗KÄ ˈYƖBHÄ Ɔ ˈKÄ LIBHO NƲ ˗N kä ˗n ˈkä mäˈä ˈwluyɩbhäyɩbhʋ ˈwʋ a libho nʋʋ, ˗zɩkpaa ˗a ˗wʋä libho a ˗lii ˈyli, mö ˗n nɩ ˈyɩ ˈylɩmö.