-N nʋnɩ ɔ JW Library libho ˈmö -a?

JW Library, -lu -bhlʋ wa zʋä -mä -ŋöŋöyukwli -ɲɛ -sɩbhä a -lii ˈsɔ ˈmö, -wʋɲɩ dɔˈwʋ waˈa ˈpɛnɩɛ -lu, mʋä. -N yu ˈmö ghlɛnɩ, -n yi Biblë, lagɔbɔgwɩ, videwii ˈn ˈyukwlipʋnɩlii -mä ɛtɛnɛtɩ ˈklʋ -sɛ.

SƐ -N ˈKÄÄ ZƲ -N ˈKƲ GHLƖ: Mö -mä ɛtɛnɛtɩ ˈklʋ, ghlɛnɩ app store ˈmö -n ˈkä -mä JW Library -sɛ -Lu wa laa daˈa app, wa bhɛnɩ wa ˈkʋ -mä -ŋöŋöyukwli a sɛ a -lii a ˈki a -bɛ ˈmö ˈzʋ. -N -kä -mä ɛtɛnɛtɩ ˈklʋ -wʋʋ, kälʋ ˈklʋ nzɩ -n ˈkä ˈsaa -n yɩbhää -mä -sɛ. -Mä -naˈa bɛyɩ, ˈn ɛtɛnɛtɩ ˈnɩ -mä -wʋ, -n bhɛnɩ -n ˈkä -mä Lagɔ a ˈKämanɔɔ a -budu ˈmö mö, ˈbɔgwɩzʋdɛ dɛɛ nɩkpa ˈwuë möä, ˈn dɛ nɩkpa linɩɛ ˈwʋ mö. Lagɔbɔgwɩ ˈwuë -n yɩbhää -n -kɩɩ -mä -sɛ ˈwë, -n ˈnɩa ɛtɛnɛtɩ ˈklʋ mö aˈbhë -kë, -n bhɛnɩ -n ˈkɩ ˈmö zɛlɩ. -Lii ˈlilili wa zʋä -mä JW Library ˈmö a za, -n kä -n ˈkä -mä ɛtɛnɛtɩ ˈklʋ mö zila -mimii ˈmö.

SƐ YƖ -WƲ Ɔ ˈMÖ ˈN -A ˈKƖ Ɔ -MÄ -SƐ ˈNƖ? -N yi JW Library ˈmö ˈtʋnɩ aˈbhë -n yi -na ˈyize Biblë ˈcɩɛ. -Lɛ ˈwluyɩbhäda, -n bhɛnɩˈɛ -n ˈkɛ libho ˈmö nʋnɩ. ˈTɛɲɩ -ɛɛ dɩ a lagɔwɛlɩɩ bia libho ˈmö aˈbhë, -n yɛ ˈmö ghlɛnɩ.