“-A nɩ kä ˈslɛlɛ -mä -aa lagɔwɛlɩɩ bia libhoo ˈmö: -Muë -aa lagɔwɛlɩɩ nɛnɩɛ dlɩ yɔwʋ, -a nɩ ˈpʋa swɩ ɲɛmʋ ˈmö wa ˈkä -aa ˈwluyɩbhäyɩbhɩ ˈwʋ yi”

ˈSAA KÄÄ ˈŊLƖ ˈN YƖ KÄÄ DƐSƐ: ˈWluyɩbhäyɩbhɩ ˈwʋ -mä -a “bhlɩnɩɛ Zoova” ˈn -a “ˈghlimanɩɛ ɔ ŋlɩɩ.” (Ps 149:1) ˈWluyɩbhäyɩbhɩ ˈwʋ -mä -a ˈcɩɛnɩɛ ˈsaa Zoova ˈyɩbhä nɩɩ -a nɩ nʋ. (Ps 143:10) -Muë lagɔwɛlɩɩ nɛnɩɛ dlɩ yɔwʋ ˈn -muë -a ˈcɩa Biblë -kä ˈwlʋyɩbhäyɩbhɩ ˈwʋ a mömɛ tɛɛ cuu, ˈyukusɛ wa möä lagɔwɛlɩɩ ˈmö a dɔˈwʋ.

SƐ -A ˈKÄÄ ZƲ:

• Wäzɩnɔɔ -aˈa ˈwluyɩbhäyɩbhɩ ˈwʋ cuu. Tɩ nɩɩ -n -ɲɔ ˈsɔ, -a ˈkää bhäla Biblë a ˈcɩɛcɩʋ tɛɛ ˈwë nzɩ -n ˈkɔa -sɩkaa -aˈa ˈwluyɩbhäyɩbhʋ ˈwʋ wäzɩnɩ.​—ˈKl 22:17

• -Mɔ -n wäzɩnɩɛ ˈwluyɩbhäyɩbhʋ ˈwʋ, sɛ -lii ˈkää ˈmö ˈplɩplɩnɩ ˈn ˈsaa -a ˈkäˈɛ zlɩ -mɛmɛɛ ˈmö ˈcɩɛ ˈɲɔ yɩ wɛlɩɩ. Zaa, -lii -yɩ -kamöä kwänɩ mɩɛ dɛˈɛ: -zɩkpa ˈmö a ˈwluyɩbhäyɩbhʋ a nɩkpawäzɩkpʋ, video wa laa ˈSaa wa nʋ ɔ -mä Lagɔ ˈa ˈKämanɔɔ a -budu ˈmö ˈnɩ?, ˈn ˈcɩɛcɩɛkïbhï 5 -ɲɛ ˈsɔ, blosu wa laa Qui fait la volonté de Jehovah

• Kwänɔɔ. -N wäzɩnɩɛ ˈwluyɩbhäyɩbhʋ ˈwʋ, yɩbhä ɔ nɩɩ -n nɩ kwänɔɔ ɔ ˈkä ˈwluyɩbhäyɩbhʋ ˈwʋ mö a dɔˈwʋ ɛ -käˈɛ -n ˈkɔ kwänɔ nzɩ ɔ ˈkä -banɩ a -mii kää ˈklʋkpamö ˈmö, ˈmö gbäzɩ -a? -Mä ˈwluyɩbhäyɩbhʋ ˈwʋ, glɩ -lɛ ɔ yɔwʋ sɛ ˈn -naˈa lagɔbɔgwɩ -n suä, -a ˈkɩ ˈgämö ˈmö yɩlɩnɩ. Sʋlʋnɔˈɛ -mumuë