ˈYuëlowluwaɲɩ, a nɩ kwänɩ ˈa yuëa wa ˈkä lagɔwɛlɩɩ ˈmö -jɩbhɛnɩ

ˈYuëlowluwaa -wa ˈtɛɛnɩɛ Zoova dlɩ, yɩbhä nɩɩ ˈwa yuëa nɩ ˈzʋ -tiasɛ a lagɔnɩkpa. Zaa, sɛ wa ˈkää ˈwa ˈyuëa kwänɩ miɛ nɩɩ, dɛ wa -lɛ -bhlɛ ˈyuëtikïyie, wa kä wa ˈkuë ˈsaa Biblë ˈcɩa dlɩ zɛmö ˈzʋ. (Dt 6:7; Pr 22:6) ˈYuëlowluwaa ˈkä libho ˈla nʋ a dɔˈwʋ, yɩ ˈnaa ˈkuë ɔ kɛˈmö ˈtɛɛnɩ -a? Nn, yɩ yua kɛˈmö ˈtɛɛnɩ! Maa wa -kä ˈyli yɔwʋ ˈtɛmanɩ, wa yi -li a -lii ˈmö ghlɩnɩ.—3Zh 4.

Zɩzɛɛfʋ -ɲɛ Malii ˈsɔ a wɛlɩɩ, ˈyuëlowluwa bhɛnɩ wa ˈkä yɩ dɛ ˈcɩɛ. Mɩɛ nɩɩ, “Ylʋbö ˈwuë ˈmö, Zwiiföwa a ˈfɛtɩ ˈkädɛɛ wa laa Paakö, Zezwii a -lowluwa, -mä wa mɛ a-a Zeluzalɛɛmö -sɛnɩɛ.” Yɩ dɔˈwʋ libho wa nʋä teɲii ˈn wa plɩɛ moni a -bɛ, maa ˈyli yɔwʋ wa ˈtɛmanɩ a-a. (Lk 2:41) Zɩzɛɛfʋ -ɲɛ Malii ˈsɔ a dɔˈwʋ, wa yɩbhä a nɩɩ ˈwa ˈligbë ˈmö a -nʋa ˈwuë nɩ ˈdionɩ Zoova yɔwʋ. -Sɩbhä zɩˈɛ a ˈyuëlowluwaa kää wa ˈkä kii ˈwuë ˈmö ghlɛnɩ, wa ˈkä ˈwa yuëa ˈyio a -yio ˈpänɩ, -mä ˈwa bhïlawɛlɩɩ ˈmö ˈn -mä ˈwa nʋnʋlii ˈmö.​—Ps 127:3-5.

-A NƖ YLƐ VIDEO WA LAA ILS ONT SAISI TOUTES LES OCCASIONS DE SERVIR JÉHOVAH, ˈN -A NƖ YƖLƖ KÏBHÏ ˈLƐ YƆWƲ:

• Jon -ɲɛ Sharon Schiller ˈsɔ, wa ˈzʋnɩ abhlɩ ˈwa ˈligbë ˈmö a -nʋa ˈyli, maa sɛ wa tula ɔ nɩɩ Lagɔ ˈa ˈKämanɔɔ a gbʋ plɛnuë teɲii ˈnɩ?

• ˈYuëlowluwaa kä wa ˈkä ˈwa ˈyuëa ˈmö zlɔmanɩ. Maa -yɩ kä ɔ ˈŋlɩ ˈn wa ˈnɩ ɔ -kä wa ˈkʋä sɛ -bhlʋ -kpɔ ˈmö zlɔmanɩ ˈnɩ?

• Sɛɛ ˈyuëlowluwaa ˈkä ɔ ˈwa yuëa kwänɩ, -lɛ a dɔˈwʋ wa -kä zɩkö ˈklɩ ˈyɩ dɔˈwʋ -wʋ, wa tɩa Lagɔ a dlɩtɛɛnɩtɛnɛ kɛˈmö -sɛ?

• -N ˈkä -naˈa yuu kwänɩ nzɩ wa ˈkä lagɔwɛlɩɩ ˈmö -jɩbhɛnɩ a dɔˈwʋ, Zoova ˈa ˈwlugïganɩzɩkpa ˈmö a -lii -mi -n ghlɛnɩ ɔ ˈmö ˈnɩ?