Ɛtɛnɛtɩ ˈklʋ a ˈdɩsɛsʋ: Tɩa -gbokwë ˈmö bhlinɩ

ˈSAA KÄÄ ˈŊLƖ ˈN YƖ KÄÄ DƐSƐ: Ɛtɛnɛtɩ ˈklʋ a ˈdɩsɛsʋ, bhɛnɩ yɩ -kaɲɩ kwänɩ, yɩ bhɛnɩˈɛ yɩ -kaɲɩ -lizoku ˈmö ˈpä. Klɩtɩɛwaa -mumuë, ˈnɩɛ ɛtɛnɛtɩ ˈklʋ a ˈdɩsɛsʋ ˈyɩbhä. -Mumuë wabhlɩ, ɛtɛnɛtɩ ˈmö wa ghlɛnɩɛ ˈmö ˈn wa -ɲɛ wa ˈbhɩa -ɲɛ wa -lowluwaa ˈsɔ -sɛɛ ˈdɩ. Maa, zuzukuzoku a ˈkifi ˈnɩɛ ˈyɩbhä nɩɩ, -a nɩ ghlɛnɛɛ ˈnɛɛnɩsɛ ˈmö. -Lɛ a dɔˈwʋ -a ˈkä -lizoku ˈmö bhlinɩ nzɩ -a -ɲɛ Zoova ˈkä ɲimonɩ. Zezwii a saa, -a bhɛnɩ -a ˈkä Lagɔ ˈa ˈpäpägböö ˈmö ghlɛnɩ, -a ˈkä -yɩ -lɛ -lizoku yɩbhlɩnɩ nzɩ -a ˈkɩ gwë ˈdionɩ.—Lk 4:4, 8, 12.

TƖA -GBOKWË ˈMÖ BHLINƖ:

• Ɛtɛnɛtɩ -kä -aˈa ˈtɛɲɩ ˈwuë ˈwʋ ˈlibhï. Ɛtɛnɛtɩ ˈklʋ a ˈdɩsɛsʋ ˈn ɛtɛnɛtɩ ˈklʋ a -lii -mimii -kä -aˈa ˈtɛɲɩ ˈwuë ˈwʋ ˈlibhï, -a ˈnaa ˈkäa ˈtɛɲɩ ghlɩ -a ˈkä lagɔlii -yɩ käa teɲii dɛsɛ a ˈbɛyɩ yɩlɩ

  Biblë a ˈpäpägböö: Ɛf 5:15, 16; Fil 1:10

• Ɛtɛnɛtɩ a -lii -yɩ pää dlɩ ghäyɩ. -A -kä foti -zoku ylɛ, yɩ -yiɲɩ -mä ˈsunɩ, -a yi ˈkwädlɩ -ɔɔzʋkälii ylɛ ˈyize ˈn -a bhɛnɩˈɛ -a ˈkä yɩ nʋnwɛ ˈmö bhlinɩ. Nɩkpa -wa -sɛɛ Lagɔ ˈa wɛlɩɩ kɛˈmö a ˈsaa wa cɛlɩɛ -mä ɛtɛnɛtɩ ˈklʋ, -a -kii ˈmö zɛlɩ, yɩ yi ˈŋlɩ -kä, -a yiˈɛ Lagɔ ˈa wɛlɩɩ kɛˈmö -sɛ.

  Biblë a ˈpäpägböö: Mt 5:28; Fil 4:8

• -A -kä ˈcɛlɩ ˈn -a -käˈɛ foti -mä ɛtɛnɛtɩ ˈklʋ ˈzʋ. Nɩkpɛ a ˈmlɩ a dlɩ bhɛnɩ ɛ ˈkɔ dula. Zaa, -mä ɛtɛnɛtɩ ˈklʋ a dɛ wa -ɲɛ nɩkpa -sɛɛ ˈdɩ, -a bhɛnɩ -kamä -a ˈkä -lii -yɩɩɛ nɛnɩ ˈcɛlɩ, -a ˈkäˈɛ foti -yɩ -bhöä zʋ ˈwʋ -mä ˈzʋ. Maa yɩ bhɛnɩ yɩ -kaɲɩ fɩ päla, yɩ yiˈɛ ˈŋlɩ -kä -aˈa Lagɔ a dlɩtɛɛnɩtɛnɛ yi ˈwʋ -sɛnɩ.

  Biblë a ˈpäpägböö: Gh 14:13; Ɛf 4:29

A NƖ YLƐ VIDEO WA LAA ˈNƐMANƖ ƐTƐNƐTƖ ˈKLƲ A ˈDƖSƐSƲ ˈWƲ, ˈN SƐ A ˈKÄÄ ˈZƲ A TIA -LIZOKU ˈLƐ ˈMÖ BHLINƖ, A NƖ ˈYI ˈYLƖMÖ: