A nɩ ˈpä Lɔɔtɩ a ˈlɛŋlɛ a dɛ dlɩ

Dɛɛ Lɔɔtɩ a ˈlɛŋlɛ -wʋ a-a Sodɔɔmö a -glɔ ˈmö futo dɔˈwʋ, -yɩ kä ɔ ˈŋlɩ ˈn ɔ yi ɔ nimï yɩlɩ ˈnɩ? Biblë ˈniɛ bhïla. (Gn 19:17, 26) Zezwii ˈa wɛlɩɩ ɔ bhïla tula nɩɩ, ˈɔ -lii ɔ tɩɛ -mä Sodɔɔmö, ɔ dlɩ -gäni -bhlɛ teɲii nza ɔ yɩlɩɛ nimï. (Lk 17:31, 32) Sɛɛ -a ˈkä ɔ ˈzʋ, -a -ɲɛ Lagɔ tɩa ɲimonɩ, Lɔɔtɩ a ˈlɛŋlɛ a saa? Mäˈä ˈpɩwʋ a wʋlʋnɔɔ a sɛ tɛlɩtɛlɛ nɩ -tɩɲɩ ˈwlumö -sunɩ -mä -aˈa zɩkpa ˈmö. (Mt 6:33) Sɛˈɛ Zezwii nʋä nɩɩ, “-nn-ä bhɛnɩ -n ˈkä Lagɔ -naˈa dlɩɩ ˈwuë yowʋ ˈɲɛ, -n ˈkäˈɛ ˈgämö moni -naˈa dlɩɩ yowʋ ˈɲɛ.” (Mt 6:24) -N -kä sɛ -yi nɩɩ wʋlʋnɩlii a sɛ tɛlɩtɛlɛ a za, -nn-ä a ˈtɛɲɩ -kä lagɔlii a dɔˈwʋ, sɛ -n ˈkä ɔ ˈzʋ ˈnɩ? Bhibhe Zoova ɔ -kamö ˈnɛɛnɔɔ ˈɲɛ, -lɛ a dɔˈwʋ ˈsaa -n ˈkää kɛˈmö -sɛ, -n ˈki -yi. ˈN bhibheoo ɔ -kamö ˈmötɛɛnɔ ˈɲɛ, -n ˈkä ˈyli yɔwʋ ˈtɛɛ nzɩ -n ˈki ˈbɩwʋ ˈbhöö.

A NƖ ˈPÄ LƆƆTƖ A ˈLƐŊLƐ A DƐ DLƖ A VIDEO -WƲ -DLINƖƐ ˈPƖ TA ˈMÖ, BHÏLA WƲ WƐLƖƖ ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• 

  Mäˈä ˈpɩwʋ a wʋlʋnɔɔ a tʋ, sɛ wʋ zigbanɩ ɔ Glolia ˈa dlɩpäsaa, ˈɔ bhïlabhïlasaa ˈn ˈɔ nʋnʋlii ˈmö ˈnɩ?

• ˈSaa Lɔɔtɩ a ˈlɛŋlɛ a wɛlɩɩ ligbanɩɲɩ ɔ zɩˈɛ ˈwʋ ˈnɩ?

• Sɛɛ Biblë a ˈpäpägböö a ˈklʋkpamözʋzwɛ kwänɩ ɔ Juo -ɲɛ ˈɔ ˈligbë ˈmö a -nʋa ˈsɔ ˈnɩ?

• Aanɩ ˈa libhoo ˈmö a nɩkpa ɔ -ɲɛ bhlinɩ a-a ˈwʋ, sɛ wa ˈkuanɔɔ ɔ swɩ yɔwʋ lagɔlii a dɔˈwʋ ˈnɩ?

• Wa -kaɲɩ -mä ˈsunɩ nzɩ moni a gbʋ -kaɲɩ tɛɛ plɛnɩ -mä -aˈa zɩkpa ˈmö, ˈsaa kä ɔ ˈŋlɩ ˈn -a ˈkä ɔ ˈyli yɔwʋ ˈtɛmanɩ ˈnɩ?

• Blino -ɲɛ Glolia ˈsɔ, sɛ wa ˈpïlanɩ ɔ ˈwʋ ˈsɔ lagɔlii ˈyuku ˈnɩ?

• Biblë a ˈdɩmözʋwɛlɩɩ -mii -n köbha ɔ ˈyli -mä video ˈlɛ ˈmö ˈnɩ?