Tɛlɩ sɛ -n ˈkä -na ˈyize a Biblë a ˈcɩɛcɩʋ -li a -lii ˈmö ghlɩnɩ

ˈSAA KÄÄ ˈŊLƖ ˈN YƖ KÄÄ DƐSƐ: -A ˈyize a Biblë a ˈcɩɛcɩʋ, muu kwänɩɲɩɛ ˈn Lagɔ ˈa gbëawɛlɩɩ, ‘sɛ yɩ -wʋä, sɛ yɩ sɛɛ -tiamö zɛmö ˈn -a nwiɛ sasɛ ˈmö.’ (Ɛf 3:18) Yɩ -yiɲɩˈɛ kwänɩ ˈn -a ˈnaa ˈkä ˈpɩwʋzokwë nɩ ˈwʋ a -nʋa a nɛmönɛmösaa -gänɩ, ˈn -bɛ ˈnaa -kaɲɩ -maa yɔwʋ ghlɩ. ˈN -a yua “Lagɔ ˈa ˈpɩwʋlelea a wɛlɩɩ ˈɲɛ.” (Fil 2:15, 16) -A -kä -a ˈyize Lagɔ ˈa wɛlɩɩ ˈcɩɛ yii, ˈbɔgʋ -a ˈkää ˈmö ˈcɩɛnɩ, -a bhɛnɩ -a ˈku -lɛ -sɛ. -A -kä ˈtɛɲɩ ˈwʋ ˈlibhï, -a -kä Biblë ˈmö zɛlɩ ˈn -a -kɛɛ ˈcɩɛ, sɛɛ -a ˈkä ɔ ˈzʋ nzɩ -a ˈkɛ -li a -lii ˈmö ghlɩnɩ?

SƐƐ -N ˈKÄÄ ˈZƲ:

• -A -kä ˈcɩɛ dɔˈwʋ -wʋ, -mä -aˈa Biblë ˈmö, gbɛlɩ -yɩ zɩɛ -aˈa dlɩ kɛ, -a nɩ tli -pɩɩ zɛmö, -a nɩ ˈzwi ˈbɔgʋ ˈmö, ɛ -käˈɛ -ŋöŋöyukwli a sɛ a -lii ˈmö.

• -A -kä Lagɔ ˈa wɛlɩɩ ˈmö zɛlɩ dɔˈwʋ -wʋ, -a nɩ ˈyɩbhänɩ -aɲɩ kïbhï ˈlɛ ˈwʋ: ‘-Mɔ bhä ˈnɩ? -Lu -mu ɔ ˈnɩ? -Zlimɛ ɔ ˈnɩ? dɛ -ma ɔ ˈnɩ? -Yɩ kä ɔ ˈŋlɩ ˈnɩ? Sɛ yɩ -wʋ ɔ ˈmö?’

• Tɛlɩ sɛ -n ˈkä ˈmö ˈnʋ. ˈBɔgwɩ -a ghlɛnɩɛ ˈmö ˈn -a tɛlɩɛ sɛ, -a nɩ yɩlɩ -mä. Kïbhï -a yɩbhää -a ˈkä ˈmö ˈnʋ, ɛ -käˈɛ Biblë a gbɛlɩ, -a nɩ tɛli sɛ, -bhʋlʋbhlʋ.

• ˈSaa -a zɛlɩɛ ˈmö, -a nɩ ˈpäni dlɩ kɛ, -a ˈki ˈylɩmö ˈn yɩ -kaɲɩ ˈyi gö a za.

• ˈSaa -a ˈcɩɛ, -a nɩ -gäni zila ˈwuë ˈmö.—Lk 6:47, 48

A NƖ YLƐ VIDEO WA LAA SƐƐ -NA ˈYIZE A BIBLË A ˈCƖƐCƖƲ -KAMÖÄ KWÄNƖ, DƐƐ -N KÄÄ SƐ -N ˈKÄ -LƐ KƐ ƝƆNƲ, ˈN A NƖ YƖLƖƖ NIMÏYƖBHÄKÏBHÏ ˈLƐ YƆWƲ:

• -Mumuë, wa ˈyize a Biblë a ˈcɩɛcɩʋ a dɔˈwʋ, sɛ wa gbä ɔ ˈnɩ?

• -A -kä Biblë a ˈcɩɛcɩʋ tɛɛ yii, -yɩ kä ɔ ˈŋlɩ ˈn -a kä ɔ -a ˈkä bhibhe ˈwë ˈnɩ?

• ˈSaa -kaɲɩ ɔ kwänɩ nzɩ -a ˈkä sasɛ Biblë a gbɛlɩ ˈmö ˈnʋ ˈnɩ?

• -Mä -aˈa Biblë ˈmö, yɩbhlɩnɩdɛ a ke -ma -a bhɛnɩ ɔ -a ˈkä -mä ˈzʋ ˈnɩ?

• -A ˈkä Lagɔ ˈa wɛlɩɩ -a -wʋä ˈcɩɛ dɔˈwʋ dlɩ kɛ ˈpänɩɩ, -yɩ kä ɔ ˈŋlɩ ˈn yɩ kä ɔ dɛsɛ ˈnɩ?

• ˈSaa -a cɩɛɛ, -a -kɩ ˈcɩɛ ˈwë, sɛɛ -a ˈkä ɔ ˈzʋ ˈnɩ?