-Wa -waa Zoova mö -n -ɲɛ nɩ -bhlinɩ ˈkwädlɩ ˈwʋ

-Wa -waa Zoova, -yɩ kä ɔ ˈŋlɩ ˈn -a -ɲʋa ˈkä ɔ ˈkwädlɩ ˈwʋ -bhlinɩ ˈnɩ? Nɩkpa -a -ɲɛ -bhlinɩɛ ˈkwädlɩ ˈwʋ bhɛnɩ wa -kaɲɩ kwänɩ, -a ˈkä ˈmözlɔnɩlii nʋ. Wa bhɛnɩˈɛ wa -kaɲɩ -mä ˈsunɩ -a ˈkä -lizoku nʋ. (Pr 13:20) A yɩɛ, ˈbhlɩlowli Zowasɩ, lagɔbʋbɔɲɔ ˈkɔdɔɔ wa laa Zowadɩ ˈmö ɔ -ɲɛ -bhlinɩ a-a ˈwʋ, ˈtɛɲɩ ˈwuë ˈmö zaa, “ˈsaa nɛnɩɛ Zoova a ˈyila ˈklʋ, ˈmö ɔ nʋ a-a.” (2Ch 24:2) Maa, lagɔbʋbɔɲɔ ˈla ˈkuä ˈwë, nɩkpazoku ˈmö Zowasɩ -ɲɛ -bhlinɩaˈa ˈwʋ. Yɩ za, ˈɔ yiɛ Zoova -gömö panɩ.—2Ch 24:17-19.

Tɛkäklɩtɩɛwaa a ˈtɛɲɩ ˈmö, Zezwii a tietieɲɔ Pɔɔlʋ, lagɔzɩkpa ˈmö ɔ pälɩɛ “-wlʋnɩbudu” ˈwʋ. ˈN lagɔzɩkpa ˈmö a -nʋa ˈmö ɔ pälɩɛ “-li a ˈki a -bɛ” ˈwʋ, -yɩ -wʋä -mä -budu ˈla ˈmö. -A -kä nɩkpazoku a ˈwʋ-bhlinɩbhlinɛ ˈnigba, -aˈa -kosu yɔwʋ a -nɔ, ɛ -käˈɛ lagɔzɩkpa ˈmö a nɩkpɛ a -mɔ nʋä ˈsaa ˈnɩɛ Zoova dlɩ yɔwʋ nɛnɩ, “-sikalii -ɲɛ dleyilii ˈsɔ wa ˈzʋä dɛsɛkälii ˈmöö,” -a yi ˈkwädlɩ yɩ sɛ -wʋ.(2Ti 2:20, 21) Zaa, nɩkpa a -muë -waa Zoova, -wa -kaɲɩɛ swɩ ɲɛmʋ ˈmö ˈpä -a ˈkä ˈɔ libhoo nʋʋ, mʋa nɩ ˈzʋ -aa ˈtuawa.

A NƖ YLƐ VIDEO WA LAA ˈDIONƖ NƖKPAZOKU A ˈWƲ-BHLINƖBHLINƐ GWË! ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• -A ˈnɩ -aɲɩ ˈwʋ ˈnɛɛnɩ, sɛɛ -a bhɛnɩ ɔ -a -ɲɛ nɩkpazoku ˈkä ˈylɩ -bhlʋ ˈmö ˈwʋ -bhlinɩ ˈnɩ?

• -Mä video ˈlɛ ˈmö, ˈsaa kwänɩ ɔ -aa lagɔdaayuë ta, ˈn wa yi ɔ nɩkpazoku a ˈwʋ-bhlinɩbhlinɛ ˈnigba ˈnɩ?

• Biblë a ˈpäpägböö -mi -kamö ɔ kwänɩ -n ˈkä ˈnɛɛnɩsɛ -muë -n -ɲɛ ˈkää ˈwʋ -bhlinɩ -lɛ -sɛ ˈnɩ?