Abhʋa -dɩgbö, ‘-li a -li a nʋnʋtʋ nɩ -wʋaɲɩ teɲii dlɩ zɛmö’

ˈBɔgʋʋ Pɔɔlʋ ˈcɛlɩɛ Tiitɩ ˈwʋ, ɔ lɛ nɩɩ ɲɛgbayuëa ˈwuë, Tiitɩ kökä, wa nɩ ˈtɛmanɩ ˈyli yɔwʋ, wa ˈkä ‘nɩkpa a -muë nʋä -li a -li, -waɲɩɩ ˈgbäpö wa ˈkää -gänɩ glɩnɩ.’ (Ti 2:6, 7) Kïbhëa ˈla -bhlʋ -kpɔ ˈmö, ɔ lɛ Zezwii -kaɲɩ -lizoku a kii ˈwuë a galɛ ˈmö -sɛ ˈwë, nzɩ nɩkpa a -muë “-li a -li a nʋnʋtʋ -wʋä tenyii dlɩ zɛmöö, -a ˈkʋä glɩnɩ.” (Ti 2:14) -Li a -li ˈla, yɩ glaˈmö a -nɩ miɛ nɩɩ, wa ˈkä lagɔwɛlɩɩ bia ˈn wa ˈkä Lagɔ ˈa ˈKämanɔɔ a wɛlɩɩ nɩkpa ˈcɩa. Ɲɛgbayuëɲɩ, a yi bhä ˈa ˈmötɛɛnɔɔ ˈmö ghlɛnɩ a ˈkä ˈkwädlɩ a ˈyiosɛwa, ɛ -käˈɛ ˈcʋ ˈmö a ˈyiosɛwa ˈzʋ -a?—Pr 20:29.

A -kä a ˈkä ˈyiosɛwa ˈzʋʋ, a nɩ gïganɩ sasɛ aɲɩ ˈwlu, a ˈkäa libho ˈla nʋ. (Lk 14:28-30) Sɛ a ˈkä ɔ ˈzʋ a ˈkä moni ghlɩ nzɩ -mä ˈa ˈkwädlɩ a lagɔlibhoo ˈmö, a ˈkä aɲɩ -su ˈnɩ? -Mä lagɔwɛlɩbiabiu ˈmö, ˈgïle -zɩmö ˈyiosɛwa kää wa ˈkä -sɛɛ, sɛ a ˈkä ɔ ˈzʋ nzɩ a ˈkɛ ghlɩmö ˈnɩ? Yɩ dɔˈwʋ, a nɩ bhibhe Zoova, ɔ ˈkaɲɩ kwänɩ. (Ps 37:5) -N -kä -naɲɩ ˈwlu gïganɩɛ yi, ˈsaa -n yɩbhää -n ˈkä nʋ, -n -ɲɛ -na -lowluwa ˈsɔ, ˈn -mumuë -wa ˈzʋä ˈyiosɛwa, ˈwa yiɛ ˈyukusɛ mö ˈsɔ, a nɩ yɩlii yɔwʋ. ˈSaa -n gbää -n ˈkä nʋ, ˈtɛmanɩ ˈyli yɔwʋ -n ˈkɩ nʋ. -N -kä -sɩbhä ˈzʋ, Zoova -yimö ˈɲu ˈpä, -n yi kuˈmösusɛ ˈɔ libhoo nʋ!

A NƖ YLƐ VIDEO WA LAA -DƖGBÖ -WA ˈGHLIMANƖƐ ZOOVA ˈA ŊLƖƖ, ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• -Wa yɩbhä a-a wa ˈkä ˈyiosɛwa ˈzʋ, ˈsaa ˈtɛɛnuë a-a bhä kɛˈmö, ˈn sɛ wa ˈzʋ ɔ wa yi ɔ ˈwlu ˈplɩ?

• Sɛɛ ˈyuëlowluwaa ˈkä ɔ ˈwa ˈyuëa kwänɩ nzɩ wa ˈkä ˈkwädlɩ a ˈyiosɛwa ˈzʋ ˈnɩ?

• Lagɔwɛlɩbiabiu a dɔˈwʋ, -yɩ -kä ɔ ˈŋlɩ ˈn ˈylɩdɩdɩɛ kä ɔ dɛsɛ ˈnɩ?

• Sɛɛ lagɔzɩkpa ˈmö a -nʋa bhɛnɩ ɔ wa ˈkä ˈyiosɛwaa swɩ ɲɛmʋ ˈmö ˈpä ˈnɩ?

• -Wa glɩnɩɛ ˈyiosɛwaa, ˈɲupälɩ a -mi wa ghlɩ ɔ ˈnɩ?