Nɩkpa -wa -wʋä ˈwlɩlɩ ˈmö Lagɔ -waa

“Wɔlʋ kɛ. Gïganɩ -mä -naˈa -budu ˈmö ˈwlu. Ylɩpö saa ˈwuë. ˈLibhï klɛka ˈwuë -n ˈkɩ ˈkwlɛ ˈmö ˈpää mö.” ˈYuëlowluwa a -bɛ, sɛɛ ˈwa yuëa ˈkää ˈwlɩlɩ -wʋ kpökpasɛ, ˈmö wa slʋnʋa. ˈWlɩlɩwʋwɛ a wɛlɩɩ, -aˈa Lagɔ -ɔ -wʋä ˈwlɩlɩ, ˈmö yɩ ˈbhöönɩɛ ˈmö. (Ex 30:18-20; Dt 23:14; 2Kɔ 7:1) -Aˈa kpökpaa ˈn -aˈa -lii ˈwuë -kä ˈwlɩlɩ -wʋ, Zoova a ˈŋlɩ yɩ ˈghlimanɩɛ. (1P 1:14-16) Sɛɛ -aˈa ˈligbï ˈkä ɔ -wʋ ˈnɩ? ˈN yɩ -kʋkʋyɔwʋ ˈnaa? Pɩwʋ nɩ ˈwʋ a -nʋa -wa pää klɛkaa saa ˈwuë, -mä ˈywi ˈwʋ, Klɩtɩɛwaa ˈnɩɛ wabhlɩ -sɩbhä -wʋ. Maa, ˈyli yɔwʋ wa ˈtɛmanɩɛ, saa ˈwuë ˈkä ˈwlɩlɩ -wʋ. (Ps 115:16; ˈKl 11:18) Ɛ yi bɔbɔɔbhï a -paplɩ oo, -a -kä ɲuu ˈnɩmä ˈwë a -paplɩ, ˈn -sɩbhä a -lii -mimii, -a ˈni saa ˈwuë ˈpää, yɩ tula nɩɩ ˈwlɩlɩ -a -wʋä. ˈSaa -a yɩbhää miɛ nɩɩ, ‘-aˈa nɛmönɛmösaa ˈwuë nɩ tula nɩɩ, Lagɔ a libhonʋwa -a glɩnɩɛ.’ —2Kɔ 6:3, 4.

A NƖ YLƐ VIDEO WA LAA NƖKPA -WA -WƲÄ ˈWLƖLƖ ˈMÖ LAGƆ -WAA, ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• ˈN -mumuë ˈa -lii -kä fɩ -plɛ, wa ˈkuë ˈmö ˈnʋ a za, sɛ wa gbä ɔ ˈnɩ?

• Sɛɛ Moyizɩ a gböö tula ɔ Zoova ˈa dlɩpäsaa ˈwlɩlɩwʋwɛ a dɔˈwʋ ˈnɩ?

• -A ˈnɩ lagɔwɛlɩɩ bia dɔˈwʋ -wʋ aˈbhë -kë, sɛɛ -a bhɛnɩ ɔ -a ˈkä Zoova a ˈŋlɩ ˈghlimanɩ ˈnɩ?