-Naˈa nɛmönɛmösaa nɩ kä ˈklʋkpamö, yɩ ˈkɔ -mä -sunɩ ɔ ˈkä Lagɔ -gänɩmö

Klɩtɩɛŋwlɩɩ, ˈwa nɛmönɛmösaa -kä nɛnɩ, yɩ yi ˈŋlɩ -kä, wa ˈluwluwa yi Lagɔ ˈa wɛlɩɩ ˈwʋ ŋlu. Maa, yɩ bhɛnɩ yɩ ˈkä yɔlɔylʋ a -bɛ ˈmö -kä, ˈylʋbö a -bɛ ˈmö aˈbhë. (1P 2:21-23; 3:1, 2) Wa -yimö -ɔɔmözlɔnɩlii ˈwlu nʋ -kë, -li a -lii mö -n nɩ nʋ ˈyize, yɩ ˈkä ˈzokuu ˈwlu ˈplɩ. (Gh 12:21) -Naˈa nɛmönɛmösaa -kä nɛnɩ, -n ˈnɩ -na ˈluwli lagɔwɛlɩɩ ˈɲɛ aˈbhë -kë, yɩ yi ɔ dlɩ kɛ zɩ, ɔ yi Lagɔ -gänɩmö.

Sɛɛ -na ˈluwli yɩlɩɛ -lii ˈwʋ, tɛlɩ sɛ -n ˈkɔ -sɩbhä ˈmö ˈnʋ. (Fil 2:3, 4) -Naˈa dlɩ nɩ -wʋ -pälɛpälɛ -mä ɔ -gömö, kä ŋäzɩdlɩ, ˈn sɛɛ ˈŋlɔ ˈkää ɔ ˈluwli -suu, sɛɛ ɔ ˈkäˈɛ ˈɔ ˈligbëa -su ˈtɩɩ, ˈtɛmanɩ ˈyli yɔwʋ -n ˈkä -sɩbhä ˈzʋ. -Pʋnɔ sasɛ ˈyukwli. (Zk 1:19) -Kpaanɩ dlɩ ˈmö, ˈn tulanɔɔ ˈylimö nɩɩ -n -wɔɔ. -Na ˈluwli ˈnɩ dlɩ zɛmö nɛnɩ, ɔ ˈnɩ -na ˈklʋkpa -kä aˈbhë -kë, kɩ dlɩ ˈwʋ nɩɩ, sɛɛ -n ˈkunɩɛ ˈmlɩ, ˈn -n nʋä -li a -lii ˈyize, “yɩ nɛnɩ teɲii Lagɔ dlɩ yɔwʋ.”—1P 2:19, 20.

A NƖ YLƐ VIDEO WA LAA ZOOVA ƝƖAƝƖ ˈMÖTƐƐNƆ ˈN -A PLƖƐ ˈSAA ˈTƐNƖƝƖƐ KƐˈMÖ ˈWLU ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• Glasɩ -ɲɛ ɔ ˈluwli ˈsɔ wa kwäkwänɩɛ ˈlili ˈwʋ, sɛɛ ˈɔ zɩkpa -wʋ ɔ ˈnɩ?

• ˈSaa zɩ bhä ˈɔ dlɩ kɛ ˈn ɔ yi ɔ sɛ tɛlɩ ɔ ˈkä gbëawɛlɩɩ yɩbhlɩnɩ ˈnɩ?

• -Aa ŋlʋdaayu Li, ɔ badizee ˈwë, sɛɛ ɔ ˈtɛmanɩ ɔ ˈyli yɔwʋ ˈn ɔ yi ɔ -lii ˈwuë -yɩ ˈtɛɛnɔ a-a kɛˈmö ˈwlu ˈplɩ ˈnɩ?

• -Daayu Li, sɛ ɔ bhibhe bhä ɔ ˈluwli a dɔˈwʋ ˈnɩ?

• Sɛɛ -daayu Li ˈa nɛmönɛmösaa nɛnɩɛ, ˈn sɛɛ ɔ kää teɲii ˈklʋkpa a za, ˈɲupälɩ a -mi ɔ ghlɩ ɔ ˈnɩ?