“A nɩ ylɛ -lagwɩzoku ˈwuë ˈwʋ”

Zakɔɔbö -yi a-a sɛ nɩɩ, Zoova ˈnɩ -bhlɛ -lagwɩzoku a bʋbɔbʋbʋ a gba ˈpä aˈbhë -kë, Zoova a ˈyize mö -a ˈkää teɲii ˈwʋ -glɛ. (Ex 20:3-5) -Sɩbhä a za, Zoova ˈɲɔɔ ˈdɩ nɩɩ ɔ nɩ sɩbhä -mä Betɛlɩ ˈwlu, ˈɔ nɩkpa ˈwuë ˈmö ɔ ˈɲɛɛ ˈdɩ nɩɩ wa nɩ ylɛ ˈwa -lagwɩzoku ˈwuë ˈwʋ. Zaa, ˈwa -lagwɩ ˈla mi, kplɔɔ ˈwuë wa -su a-a sɔ ˈmö, ˈn -mi wa -su a-a ˈyukwli ˈmö kökä, Zakɔɔbö yiɛ ˈwʋ ˈlibhï ˈn ɔ yiɛ ˈkwlɛ ˈmö ˈpä. (Gn 35:1-4) -A kɩ dlɩ ˈwʋ nɩɩ, sɛɛ Zakɔɔbö ˈzʋä daˈa, yɩ nɛnɩ a-a teɲii Zoova dlɩ yɔwʋ.

-Aˈa ˈtɛɲɩ ˈlɛ ˈmö, sɛɛ -a ˈkä ɔ tula nɩɩ Zoova mö -a -glɛ teɲii ˈwʋ ˈnɩ? ˈSaa -a ˈkää nʋ miɛ nɩɩ, -lii ˈwuë -yɩ -glɛ ˈfʋ a -lagwɩ a bʋbɔbʋbʋ ˈwʋ ˈn -yɩ -glɛ ˈwʋyɩbhäyɩbhʋ ˈwʋ, -a kä -a ˈkɩ gwë ˈdionɩ. Mii sɛɛ zɛmö nɩɩ, -lii wa ghlɛnɩɛ ˈmö wa bʋbɔɔ Lagɔ, ˈn ˈbhlibhïle -a -sɛ -lɛ, -a kä -a ˈkɩ sasɛ yɔwʋ yɩlɩ. -A nɩ ˈyɩbhää -ka bhʋlʋbhlʋ -aɲɩ nimï: ‘ˈBɔgwɩ ɛ -käˈɛ flimïa -yɩ kää -lizoku ˈmö, mää wa nɩmää nɩkpa a dlu, mää gupäpʋ ˈn mää -wa yɛɛ ˈku ˈwë a -zili -wʋä, mii nɛnɩɩ bhä dlɩ yɔwʋ -a?’ ˈBlibhïle ɛ kää -damina ˈmö, mää wa pälɩɛ -mumuë gu, mää wa bhätlɩnɩɛ nɩkpa, na dɔˈwʋ, ˈbhlibhïle a -mɛ ˈnɩɛ ˈzoku ˈmö -kä ˈmö ɛ glɩnɩ bhä -a? -Lii ˈwuë -yɩ -ɲuä Zoova dlɩ yɔwʋ, -a kä -a ˈkɩ gwë ˈdionɩ ˈlɩlɩlɩ.—Ps 97:10.

A NƖ YLƐ VIDEO “ZUZUKUZOKU A ˈKIFII -KAAƝƖ -MÄ ˈPÄ A NƖ -SƐ NIMÏ ˈYIZE” ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• 

  Palɛza -ɔ -wʋ a-a Biblë ˈcɩɛ dɔˈwʋ, ˈsaa ghïlo ɔ -mä ˈɔ zɩkpa ˈmö ˈnɩ?

• 

  -Mɔ -a ˈcɩa Biblë -kä ˈki ˈmö -wʋ, -lii -yɩ -glɛ zuzukuzoku ˈwʋ a za, -yɩ kä ɔ ˈŋlɩ ˈn -a ˈkä ɔ ˈyukugänɩwa ˈdɩ ˈɲɛ ˈnɩ?

• 

  ˈN -a -kä nɩɩ Zoova -kaɲɩ ˈwʋ -kʋ nʋʋ, -lii -mi -a ˈkä ɔ -aɲɩ gwë ˈdianɩ ˈnɩ?

• Sɛɛ Palɛza ˈzʋ ɔ ˈnɩ?

• Dɛɛ a -bhölɩnɩɛ a dɔˈwʋ, sɛ a ˈkä ɔ ˈzʋ nzɩ a ˈkä aɲɩ zuzukuzoku gwë ˈdianɩ ˈnɩ?