-Wa nʋnɩɛ ˈylʋbö a -bɛ ˈmö Zoova ˈa libhoo, ˈsaa -a cɩɛ ɔ wa dɛ?

-Aˈa lagɔzɩkpö ˈmö, lagɔdaayuë a -bɛ -wa nʋnɩɛ Zoova ˈa libhoo ˈylʋbö a -bɛ ˈmö, -wʋ -mä. Sɛ wa ˈtɛɛnɩɛ Zoova dlɩ, -a bhɛnɩ -a ˈkä yɩ dɛ ˈcɩɛ. -A bhɛnɩ -a ˈkʋa -aˈa ˈwlugïganɩzɩkpaa a ˈkïbhï ˈwʋ ˈyɩbhänɩ, -lii -yɩ ˈtɛɛnʋa a-a kɛˈmö, ˈn sɛɛ Zoova kwänʋa, wa yiɛ ˈwlu ˈplɩ. -Aa -daayuë ˈla -wa -kaɲɩɛ dlɩsɛ, -a bhɛnɩ -a ˈkä wa glaˈmö a -nɔ -aˈa ˈligbë ˈmö a Biblë a ˈcɩɛcɩʋ ˈwʋ wäzɩnɩ, nzɩ -a ˈkɔ ˈɔ zɩkpa ˈmö ˈkïbhï ˈwʋ ˈyɩbhänɩ.

-N -kä Klɩtɩɛ a -mɔ yɛɛ Zoova ˈa libhoo ˈylʋbö a -bɛ ˈmö nʋnɩ glɩnɩ, sɛɛ Zoova kwänɩmöä a wɛlɩɩ, -n bhɛnɩ -n ˈki -dɩgbö ˈɲɛ. Zakɔɔbö -ɲɛ Zɩzɛɛfʋ ˈsɔ, ˈsaa Zoova nʋä wa za, yɩ wɛlɩɩ ˈmö wa ˈɲɛ a-a ˈwa ˈyuëa ˈwuë. (Gn 48:21, 22; 50:24, 25) Bhäla, Zoova yiɛ nɩɩ, sɛ ɔ tula ˈɔ ˈmötɛɛnɔɔ a wɛlɩɩ ˈwuë, ˈyuëlowluwa nɩ ˈɲɩ ˈwa yuëa. (Dt 4:9, 10; Ps 78:4-7) -Aˈa ˈtɛɲɩ ˈlɛ ˈmö, sɛɛ Zoova ghlɛnɩɛ ˈɔ ˈwlugïganɩzɩkpaa ˈmö ˈn ɔ nʋä -lii a -mi ˈnɩɛ -sɩbhä a sɛ -wʋ, ˈyuëlowluwaa -ɲɛ lagɔzɩkpa ˈmö a -nʋa -mumuë sɔ, wa bhɛnɩ wa ˈkä yɩ wɛlɩɩ -dɩgbö ˈɲɛ.

A NƖ YLƐ VIDEO WA LAA WA YI -AˈA LAGƆWƐLƖBIALIBHOO ˈNIGBA -KË, -A NƖ -WƲNƖ ˈWƲ ˈYIZE ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• -Aa lagɔdaayuë -wa -wʋä bhlɩɩ -mimii -gömö, mää lagɔwɛlɩbiabiu ˈtɛɛ teɲii ˈmö, sɛɛ Ɔsɩtlali a Betɛlɩ kwänʋa ɔ ˈnɩ?

• -Sɩbhä a bhlɩɩ ˈla -gömö, sɛɛ lagɔdaayuë ˈla zʋ ɔ ˈn ˈwa Lagɔ a dlɩtɛɛnɩtɛnɛ ˈtumanɩ ɔ ˈmö ˈyize ˈnɩ?

• -Mä Ghlumani, -yɩ kä ɔ ˈŋlɩ ˈn lagɔdaayuë a -bɛ yi ɔ Zoova ˈa ˈwlugïganɩzɩkpaa ˈmö ˈbhöö ˈnɩ? ˈN sɛ wa ˈzʋ ɔ ˈn wa yi ɔ ˈwʋ ˈsɔ yinɩ ˈnɩ?

• Sɛɛ wɛlɩ ˈla ˈwuë ˈtumanɩ ɔ -naˈa Lagɔ a dlɩtɛɛnɩtɛnɛ ˈmö ˈnɩ?