-N bhɛnɩ -n ˈkä nɩkpa lagɔwɛlɩɩ ˈɲɛ ˈn -n ˈkʋa ˈcɩa!

Libhoo Zoova ˈɲɛɛ Moyizɩ a dɔˈwʋ, ɔ dlɩ gʋgɔ ɛ gʋgɔ a-a. Ɔ dɔˈwʋ, ɔ ˈnaa ˈkʋ bhɛnɩ. (Ex 4:10, 13) -Sɩbhä a -lii -kamö ɔ tɛkäsɛ ghlɩ -a? -N -ɲɛ Zoova a Bhlɩnɩɲɔ ˈsɔ ˈn a ˈcɩɛ Biblë -a? -N nʋ ɔ -kamä nɩɩ -n ˈnaa ˈkä -zɩ ˈligbï ˈmö a lagɔwɛlɩbiabiu bhɛnɩ -a? -N glɩnɩ -kamä -sukuyu, maa -n ˈkä nɩkpɛ Lagɔ ˈa wɛlɩɩ ˈɲɛɛ, -n ŋänɩ -kamä. -N ŋänɩ -kamä -n ˈkä nɩkpabhë a ˈyila ˈklʋ a lagɔwɛlɩbiabiu -bhɛ, ɛ -käˈɛ -ŋöŋöyukwli ˈmö. Bhibhe Zoova ɔ -kamö ˈɔ ˈwugɔmʋʋ ˈɲɛ, -n ˈkä ˈmötɛɛnɔɔ ghlɩ. (1P 4:11) Kɩ dlɩ ˈwʋ nɩɩ, -lii ˈwuë ɔ -kamöä ˈɲɛ nzɩ -n ˈkä ˈɔ libhoo nʋ, ɔ bhɛnɩ ɔ -kami ˈɲɛ.​—Ex 4:11, 12.

A NƖ YLƐ VIDEO WA LAA A NƖ ˈTƐƐ ˈYLI YƆWƲ... LAGƆWƐLƖBIAWAA ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• ˈSaa ˈtɛɛnɩ a-a bhä -daayu Aoyama kɛˈmö ˈnɩ?

• ˈSaa kwänɔɔ bhä ˈn ɔ yi bhä ˈyli yɔwʋ ˈtɛmanɩ ˈnɩ?​—Jr 20:7-9

• Ɔ ˈkää Zoova ˈa libhoo a nʋnwɛ ˈwʋ gbaanɩ, -li a -lii a -mi ɔ ghlɩ ɔ ˈnɩ?

• -Mä -naˈa lagɔwɛlɩbialibhoo ˈmö, -lii a -mi ˈtɛɛnɩmö bhä kɛˈmö, -yɩɲɩ dɔˈwʋ Zoova bhɛnɩ bhä ɔ -kamö kwänɩ ˈnɩ?