ˈPɩwʋ a ˈylibhɩɛtɛɲɩɩ yɛ ˈdio ˈwë zaa, dɛɛ -a kää sɛɛ, -a nɩ ɲɔnʋ -lɛ kɛ

ˈSAA KÄÄ ˈŊLƖ ˈN YƖ KÄÄ DƐSƐ: -Lii a -mii ˈtɛɛ teɲii ˈmö yiaˈaa -pa ˈyli ˈwlʋnɩ. -Lɛ a ˈtɛɲɩ ˈla ˈmö, -lɛ -a kää -a ˈkä teɲii ˈyli yɔwʋ ˈtɛmanɩ, nzɩ -a ˈkä tula nɩɩ -a ˈtɛɛnɩ -tiamö Zoova dlɩ. ˈKlɩyɩyɛ ˈkädɛɛ, ˈfʋ a lagɔgligbï a ˈylibhɩɛbhɩʋ ˈmö ɛ ˈkää ˈwʋ ˈtɛɛnɩ. (Mt 24:21; ˈKl 17:16, 17) ˈTɛɲɩ ˈla ˈmö, -a kä -a ˈkä ˈyliyɔwʋtɛɛnɩsɛ lagɔwɛlɩɩ bia, -a ˈkä nɩkpa Lagɔ ˈa -zijle ˈkäda a wɛlɩ ˈɲɛ. (ˈKl 16:21) Magɔɔgö a Gɔɔgö -yiɲɩ tʋ kwä. (Éz 38:10-12, 14-16) Zoova, “Lagɔ -ɔ ˈkämanɩ -lii ˈwuë -gömö, ˈɔ tʋgwɩzlɩ ˈkädɛɛ -kä ghlɛɛ,” ɔ yi ɔ -nʋa ˈwʋ gwɩ. (ˈKl 16:14, 16) ˈN -a -kä nɩɩ -a ˈkä ˈkwädlɩ ˈyli yɔwʋ ˈtɛɛ nʋʋ, zɩkö a -lii -yɩ ˈkää ˈwʋ ˈplɩ a za, sɛɛ yɩ yi zɩˈɛ ˈmö -wʋ -kë, dɛɛ -a kää sɛ, -a nɩ ɲɔnʋ -lɛ kɛ ˈyize, -a ˈkä tula nɩɩ -a ˈtɛɛnɩ Lagɔ a dlɩ.

SƐƐ -N ˈKÄÄ ˈZƲ:

• ˈYliyɔwʋtɛɛnɩsɛ, -a nɩ -wʋ Zoova ˈa ˈpäpägböö nimï ˈyize.—Is 5:20

• -A -ɲɛ -a ˈbhɩa lagɔgänɩwaa ˈsɔ, -a nɩ bʋbɔnɩ Lagɔ ˈgämö.—Eb 10:24, 25

• -A nɩ -bhɩɔ ˈkwädlɩ ˈmö, -a ˈkä Zoova ˈa ˈwlugïganɩzɩkpaa a ˈdɩmözʋwɛlɩɩ ˈklʋkpamö ˈzʋ.—Eb 13:17

• Sɛɛ Zoova puëë bhlaˈmö ɔ -nʋa, -a nɩ ˈpäni dlɩ kɛ.—2P 2:9

• -A nɩ bhibhe Zoova, ˈn -a nɩ ˈtɛɛnɔɔ dlɩ.—Ps 112:7, 8

A NƖ YLƐ VIDEO WA LAA ˈSAA ˈKÄÄ ZƖKÖ ˈWƲ ˈPLƖ A ZA, -A NƖ ˈTƐƐ ˈYLI YƆWƲ ˈYIZE: ˈPƖƆ, ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• 

  Wa -sɛɛ lagɔdaayuëa -mä ˈwa lagɔzɩkpa ˈmö, ˈn wa yua lagɔzɩkpa -mämaa ˈmö kwää, wa ˈzwi ɔ ˈklʋkpamö ˈnɩ?

• 

  ˈYliyɔwʋtɛɛnɔɔ -ɲɛ ˈklʋkpamözʋzwɛ ˈsɔ, sɛ yɩ mönɩ ɔ yɔwʋ ˈnɩ?

• 

  -Yɩ kä ɔ ˈŋlɩ ˈn -a kä ɔ -a ˈkä ˈyli yɔwʋ ˈtɛɛ ˈnɩ?

• 

  Biblë ˈmö a nɩkpa a wɛlɩɩ, sɛɛ yɩ ˈtɛmanɩɲɩ ɔ dlɩ ˈwʋ nɩɩ, Zoova bhɛnɩ ɔ -kaɲɩ puë ˈnɩ?—2Ch 20:1-24