-A nɩ nʋnɩ peliodikïa libho ˈmö ˈyize

Tɛɛnɩ 2018 ˈmö, ˈkïbhë -bhlʋ cuu ˈmö wa zʋä -mä -aˈa peliodikïa ˈmö. Peliodikïa ˈla, -aˈa ˈbɔgwɩɩ -a ˈcɩanɩɛ ˈmö a glaˈmö a -nɩɩ yɩ glɩnɩɛ. Zaa, -a kä -a ˈkɩ ˈmö ghlɛnɩ -mä lagɔwɛlɩbiabɛyɩ. -A -kä lowlu ˈmö mö dɔˈwʋ -wʋ, -a -käˈɛ dɛ -mämaa mö dɔˈwʋ -wʋ, -a nɩ -swii ˈyize. Yɩ bhɛnɩ yɩ ˈkä nɩkpɛ -mä ˈsunɩ, ɔ ˈkä sɛ tɛlɩ nzɩ ɔ ˈkä Lagɔ yɩbhlɩnɩ abhlɩ. Maa -aaa -kä -a ˈkɩ ˈmö ghlɩnɩ nzɩ -a ˈkä nɩkpa Biblë ˈcɩa.

A -kä ˈdɩ -sɛ dɔˈwʋ -wʋ, zɛlɩ Biblë a gbɛlʋ ˈmö ˈn bhïla ˈkïbhëke -bhlʋ a wɛlɩɩ -a -wʋä -mä peliodikö ˈmö, -a ˈkɔɔ kwänɩ. A yɩɛ -ka, ɔ dlɩsɛkänɩkpɛ mɔɔ -kä -kamä ˈku, dlɩ -kɔɔ libho -lii -mimii a za, ɔ -käˈɛ ˈyuëlowli glɩnɩ, -n bhɛnɩ -n ˈkä nɩɩ: “N zɛlɩ ˈlili nɩ ˈwʋ ˈkïbhë -bhlʋ ˈmö, teɲii a nɛnɩɛ -na dɔˈwʋ. -N yɩbhä ɔ -n ˈka ˈylɩmö -a?” -N -kä ˈylɩmö nɩɩ, ˈsaa -n bhïla nɛnɔ dlɩ yɔwʋ, -n bhɛnɩ -n ˈkɔ peliodikö -bhlʋ ˈɲɛ, -n -käˈɛ yɩbhä, -n bhɛnɩ -a ˈkɔɲɩ ˈyio ˈwʋ ˈpä -mä ˈɔ -ŋöŋöyukwli ˈmö, -n yo tɛkädɔˈwʋ ˈylɩmö aˈbhë -kë. Ɛˈɛ -bhö nɩɩ -a ˈkä nɩkpa peliodikïa ˈɲɛ cuu nzɩ -a ˈkä mö. Maa ˈsaa -a tɛlɩɛ sɛ miɛ nɩɩ yɩ -kaɲɩ kwänɩ, nzɩ -a ˈkä nɩkpa ghlɩ, -wa yɩbhää wa ˈkä ˈsaa wa ˈcɩɛ -gänɩ.​—Zt 13:48.

2018

2019

2020