ˈYuëlowluwaɲɩ, a nɩ ˈcɩa ˈa yuëa wa ˈkä -lii a -bɛ yɩbhlɩnɩ

Pɩwʋ nɩ ˈwʋ a -nʋa -a -bhölɩnɩɛ jijoˈwʋ, -li a -lii ˈmö wa laa ˈzoku, ˈn ˈzoku ˈmö wa laa -li a -lii. (Is 5:20) Nɩkpa -mumuë, -lii a -mii -ɲuä Zoova dlɩ yɔwʋ ˈmö wa nʋä. Ɲɩbhɛlʋ -ɲɛ ɲɩbhɛlʋ ˈsɔ ˈkä -lɛ -wʋ, ˈŋlɔ -ɲɛ ɔ ˈŋlɔ ˈsɔ ˈkä -lɛ -wʋ, -sɩbhä a -lii kökä, ˈmö wa nʋä. -Aˈa yuëa, wa ˈbhɩa -sukuyuëa ɛ -käˈɛ nɩkpa -mumuë, wa yua -mä ˈsunɩ nzɩ wa ˈkä ˈwa gbäpöö -gänɩ. -Sɩbhä a -mäpäpʋ ˈla, ɛ -käˈɛ -lii -mimii a dɔˈwʋ, sɛɛ -a ˈkä ɔ -aˈa yuëa kwänɩ wa ˈkɩ ˈwlu ˈplɩ ˈnɩ?

ˈCɩa -naˈa yuëa Zoova ˈa ˈpäpägböö wa ˈkɩ yɩbhlɩnɩ. (Lv 18:3) ˈŊlɔ -ɲɛ ɲɩbhɛlʋ ˈsɔ ˈkä -lɛ a dɔˈwʋ sɛɛ Biblë gbää, ˈcʋaɲɩ pɛɛpɛpɛɛpɛ. ˈYlʋbö wa kää, mö -n ˈkää ˈwʋ yɩlɩ nzɩ -n ˈkʋa ˈcɩa. (Dt 6:7) ˈYɩbhä -naɲɩ nimï: ‘Sɛ n ˈkä ɔ ˈna yuëa ˈcɩa, wa ˈkä -wawʋ dlɩ zɛmö -kä, ˈwa ˈmöpälasaa ˈkä ˈklʋkpamö -kä, ˈn sɛ wa ˈkää ˈzʋ -mumuë ˈkä wa ˈklʋkpa -kä, wa ˈkɩ -yi? -Mɔmɔɔ -kä ɔ ˈkä ˈna yuu -ɔɔzʋkälii ˈylimö tulanɩ, ɛ -käˈɛ ɔ ˈkɔ -mä ˈsunɩ nzɩ ɔ ˈkä -lii -yɩɩɛ Zoova dlɩ yɔwʋ nɛnɩ nʋ, ˈsaa ɔ ˈkää nʋʋ, ɔ -yii bhä -a? A -kʋa ˈdɩ ˈmö ˈzʋ ˈyize, yɩ yua kwänɩ wa yi -lii a -bɛ ˈwlu ˈplɩ. (Pr 27:12; Ec 7:12) A -kä ˈa yuëa ˈcɩa, yɩ tula nɩɩ dɛsɛkälii Zoova ˈɲaɲɩɛ, yɩ nɛnaɲɩ dlɩ yɔwʋ teɲii.​—Ps 127:3.

A NƖ YLƐ VIDEO, -BUDUU -WƲ ˈKÄÄ GLU ƝƆNƲNƖ MÖ -A NƖ ˈSƖBHÄ. -A-A NƖ ˈZƲNƖ -AˈA YUËA ˈYLI, “-LIZOKUU A KI ˈWUË A ZA.” ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• 

  ˈŊlɔ -ɲɛ ɲɩbhɛlʋ ˈsɔ ˈkä -lɛ -wʋ a wɛlɩɩ, -mumuë ˈkɩ ˈwa yuëa ˈcɩa a dɔˈwʋ, -yɩ kä ɔ ˈŋlɩ ˈn yɩ ˈtɛɛnʋa ɔ kɛˈmö ˈnɩ?

• 

  ˈDɩmözʋwɛlɩ ˈlɛ -yɩ nʋä, “sɛɛ Lagɔ slʋnaɲɩɛ, a nɩ zlɔmanuë -sɩbhä ˈmö a ˈkʋä -sɩbhä ˈdɩ ˈmö zʋ,” -yɩ kä ɔ ˈŋlɩ ˈn ˈyuëlowluwaa kä ɔ wa ˈkɩ -gänɩ ˈnɩ”?​—Ɛf 6:4

• 

  ˈŊlɔ -ɲɛ ɲɩbhɛlʋ ˈsɔ ˈkä -lɛ -wʋ a wɛlɩɩ, ˈyuëlowluwaa ˈkɩ ˈwa yuëa ˈcɩa a za, -lii a -mii Zoova ˈa ˈwlugïganɩzɩkpaa ˈɲʋa ɔ ˈnɩ?​—w19.05-F 12, -ziple

• ˈYuëlowluwaa, dɛɛ -lizoku ˈnɩɛ -bhlɛ ˈwa yuëa ghlɩ, -yɩ kä ɔ ˈŋlɩ, ˈn wa -ɲʋa ˈkä ɔ ˈkwädlɩ ˈdɩ -sɛ ˈnɩ?