-Lii a ˈki ta -yɩ ˈkää tula nɩɩ -a ˈtɛɛnɩ Zoova dlɩ

Daviidɩ, Zoova ˈmö ɔ ˈtɛɛnɩ a-a dlɩ nza ɔ ˈplɩɛ Goliatɩ ˈwlu. (1S 17:45) Zoova yɩbhä ɔ ˈkä ˈɔ ˈmötɛɛnɔɔ ˈmö ghlɛnɩ nzɩ ɔ ˈkä ˈɔ -gänɩwaa ˈwʋ gwɩ. (2Ch 16:9) -A nɩ kɩ dlɩ ˈwʋ nɩɩ Zoova bhɛnɩ ɔ -kaɲɩ kwänɩ. Maa, -aˈa ˈsaa -a -yiɛ ˈn ˈsaa -a ˈtɛɛnɩɛ ˈmö, -a nɩ ti dlɩ ˈtɛɛ. Yɩ dɔˈwʋ, sɛɛ -a ˈkä ɔ ˈzʋ ˈnɩ? -A nɩ ghlɛnɩ -li ˈlɛ ta -kpɔ ˈmö:

• -A nɩ bhibhe ˈyize. -A nɩ tɩ -lizoku nʋ ˈwë nzɩ -a ˈkäa bhäla Zoova bhibhe ɔ ˈkä yɩ gbʋ ˈyi ˈtatinɩ. Maa, -a nɩ bhibheoo ɔ -kaɲɩ ˈmötɛɛnɔ ˈɲɛ -a tia ˈmö bhlinɩ. (Mt 6:12, 13) ˈSaa -a yɩbhää -a ˈkä nʋʋ, -a nɩ ti -lɛ -sɛ ˈwë nzɩ -a ˈkäa bhäla Zoova bhibhe ɔ ˈkɩ ˈɲu ˈpä. Maa, -a -kä -lɛ -lu -sɛ yii, -a nɩ bhibheoo ɔ -kaɲɩ -su ˈn ɔ -kaɲɩ ˈnɛɛnɔ ˈɲɛ.—Zk 1:5

• -A nɩ zɛlɩ ˈkwädlɩ Biblë ˈmö ˈn -a nɩ ˈcɩɛ ˈyize. Zila ˈwuë ˈmö, -a nɩ zɛlɩ Biblë ˈmö. (Ps 1:2) -A nɩ ˈlibhï ˈtɛɲɩ ˈwʋ -a ˈkä Biblë ˈmö a wɛlɩɩ dlɩ kɛ ˈpänɩ ˈn -a nɩ -gänɩ ˈsaa -a cɩɛɛ. (Zk 1:23-25) -A -kä lagɔwɛlɩɩ bia möä yii, -a nɩ gïganɩ sasɛ -aɲɩ ˈwlu. Maa, -a nɩ tɩ ˈsaa -a -yiɛ dlɩ ˈtɛɛnɩ. -A -käˈɛ ˈwluyɩbhäyɩbhʋ ˈwʋ möä yii, -a nɩ gïganɩ -aɲɩ ˈwlu -a ˈkʋa -li a -lii ˈmö ghlɩnɩ.

• -A -ɲɛ Zoova ˈa ˈwlugïganɩzɩkpaa ˈsɔ -a nɩ nʋnɩ libho ˈgämö. ˈDɩmözʋwɛlɩɩ -aˈa ˈwlugïgazɩkpaa ɲɛɛ ˈyize, -a nɩ -yii ˈn -a nɩ -bhɩɔ ˈmö -a ˈki -gänɩ. (Nb 9:17) ˈYukugänɩwaa -kaɲɩ ˈdɩmözʋwɛlɩɩ ˈɲɛ dɔˈwʋ -wʋ, -a nɩ -pʋnɩ ˈtɩɩ ˈyukwli.—Eb 13:17

A NƖ YLƐ VIDEO, -AAA -KÄ -A ˈKÄ ˈZWƖZIZE -GU, ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• -Lii a -mi -bhö a-a ɔ lagɔdaayuëa ŋanɔ ˈwʋ ˈnɩ?

• ˈSaa kwänʋa ɔ ˈn wa yi ɔ ˈwa ŋanɔɔ ˈwlu ˈplɩ ˈnɩ?