-Mä ɛtɛnɛtɩ ˈklʋ a dɔˈwʋ -mɔ -lɛ bhä -na bheyi ˈnɩ?

“Nɩkpɛ a -mɔ -glɛɛ ɔ ˈlilɛ ˈwʋ sɛ ɔ -wɔɔ a za,” ˈmö wa laa bheyi. A yɩɛ, Daviidɩ ˈlɩbhää Goliatɩ ˈwë, ɔ -ɲɛ Zonataa ˈsɔ ˈn wa yiɛ bhɛya ˈkädɩ ˈzʋ. (1S 18:1) Wa ˈsɔ -kpɔ, ˈwa -wʋwʋsaa a kii wa tulaa bhʋlʋbhlʋ mii kää ˈŋlɩ ˈn wa yiɛ bhɛya ˈkädɩ ˈzʋ. Mii sɛɛ zɛmö nɩɩ, nɩkpa ˈkä bhɛya ˈkädɩ ˈzʋ a dɔˈwʋ, wa kä wa ˈkä sasɛ -yiyinɩ. -Sɩbhä a za, -a kä -a ˈkä -aˈa bhɛya a za -aɲɩ dlɩ -sɛ ˈn -a käˈɛ -a -ɲʋa ˈsɔ ˈkä ˈkwädlɩ ˈwʋ -bhlinɩ. Maa -mä ɛtɛnɩtɩ ˈklʋ a dɔˈwʋ, -a ˈkä bhɛya ghlɩ ˈnɩɛ ˈmö ˈtɛɛ, -a -kä dɛ -bhlʋ ˈwʋ pɩɛnɩ cuu -a yɛ bhɛya ˈzʋ. -Mä ɛtɛnɩtɩ ˈklʋ nɩkpɛ -kä bhïla yii, ˈsaa ɔ ˈkää bhïla dlɩ kɛ ɔ ˈpäniɛ ˈwë, ˈn sɛɛ ɔ yɩbhää nɩkpaa nɩ ˈpä ɔ dɔˈwʋ dlɩɩ, ɔˈbhë mɔɔ sɩɛ -lɛ. Zaa -mɔ ɔ glɩnɩɛ -tiamö, ɔ bhɛnɩ ɔ ˈkɩ ˈwʋ ziza. -Sɩbhä a za, -mɔ -a yɩbhää ɔ nɩ ˈzʋ -aa bheyi -mä ɛtɛnɛtɩ ˈklʋ, ‘sasɛ -a ˈkää dlɩ ˈpä ˈwë nzɩ -a ˈkɔ -lɛ -sɛ.’ Nɩkpɛ -kä ˈyɩbhä ɔ ˈkä -aa bheyi ˈzʋ -mä ɛtɛnɛtɩ ˈklʋ, -a nɩ tɩ dlɩ ˈpä nɩɩ -a -kä nimï -sɛ swɩ yɔwʋ yɩ ˈkɔɔ ˈkuanɩ zaa, -a kä -a ˈkä klɩpaa ɔ bheyi ˈzʋ. -Lizokuu ɛtɛnɛtɩ ˈklʋ a ˈdɩsɛsʋ kää ˈmö a za, -mumuë ˈnɩɛ yɩbhä wa ˈkä -mä mö ˈlɩlɩlɩ. Maa ˈn -a -kä yɩbhä -a ˈkä -mä möö, ˈsaa -a ˈkä ɔ ˈwʋ ˈnɛɛnɩ ˈnɩ?

A NƖ YLƐ VIDEO, ˈNƐMANƖ ƐTƐNƐTƖ ˈKLƲ A ˈDƖSƐSƲ ˈWƲ, ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• 

  -A -ɲɛ nɩkpɛ -kä ˈdɩ -sɛ dɔˈwʋ -wʋ -mä ɛtɛnɛtɩ ˈklʋ, -a -kä ˈcɛlɩɛ yii, -a -käˈɛ -mä foto ˈzʋä yii, ˈsaa -a ˈkä ɔ dlɩ kɛ ˈpänɩ ˈwë ˈnɩ?

• 

  -Mä ɛtɛnɩtɩ ˈklʋ a dɔˈwʋ, -a -kä -lɛ -aˈa bhɛya -sɛɛ yii, -yɩ kä ɔ ˈŋlɩ ˈn -a ˈkä ɔ -aɲɩ ˈwʋ ˈnɛɛnɩ ˈnɩ?

• 

  ˈTɛɲɩ -a ˈkää -mä ɛtɛnɩtɩ ˈklʋ -sɛɛ, -yɩ kä ɔ ˈŋlɩ ˈn -a ˈkɛ ɔ bhëga ˈnɩ?—Ɛf 5:15, 16.