ˈBɔgʋ A nɩ ˗bhölɩ ˈkwädlɩnɩ! ˗a nɩ ghlɛnʋ ˈmö ˗a ˈkuë kwänɩ wa ˈkä Zoova ˗ɲɛ Zezwii ˈsɔ dlɩ ˈtɛɛnɩ

˗Muë ˗a ˈcɩaa Biblë ˈkä Lagɔ dlɩ yɔwʋ nɛnɩ a dɔˈwʋ, wa kä wa ˈkɔ teɲii dlɩ ˈtɛɛnɩ. (Eb 11:6) ˈBɔgʋ A nɩ ˗bhölɩ ˈkwädlɩnɩ!, ˗a bhɛnɩ ˗a ˈkʋ ˈmö ghlɛnʋ nzɩ ˗a ˈkä wa dila kɛ zɩ. Biblë a gbɛlɩ ˗yɩ kää dɛsɛ, wɛlɩɩ a ˗mii wa bhɛnɩɛ wa ˈkä ˗pa ˈmö ˈnʋʋ, nimïyɩbhäkïbhï a ˗nɩ a ˗nɩ, videwi a ˗mii pää swɩ ɲɛmʋ ˈmö, ˈn ˈylimönanɩfotii, yɩ ˗wʋ ˗mä ˈbɔgʋ ˈla ˈmö. ˗Muë ˗a ˈcɩaa Biblë, ˗a ˗kuë kwänɩ wa ˈkä Klɩtɩɛwaa ˈa ˗wʋwʋsaa ˈwʋ ˈlibhï, ˈn wa ˗ɲɛ Lagɔ ˈsɔ a ˈwʋ ˗wʋnɛ ˈkä ˈmö ˈtunɩ, ˗lii ˗kʋa kɛˈmö ˈtɛmanɩɩ, ˈwa dlɩˈwʋkänɔɔ ˈnaa ˈkä gwë yinɩ.—1Kɔ 3:12-15.

˗Mumuë pä dlɩ nɩɩ, waˈaa bhɛnɩ wa ˈkä Lagɔ ˈylɩmö zaa, waˈaa bhɛnɩ wa ˈkä ɔ bheyi ˈzʋ. ˗Sɩbhä a za, ˗a kä ˗a ˈkuë kwänɩ wa ˈkä Zoova yɩbhlɩnɩ, ˈn wa ˈkɔˈɛ dlɩ ˈtɛɛnɩ.

A NƖ YLƐ VIDEO, BƆGƲ “A NƖ ˗BHÖLƖ ˈKWÄDLƖNƖ!” ˗A NƖ GHLƐNƲ ˈMÖ ˗A ˈKUË KWÄNƖ WA ˈKÄ ZOOVA DLƖ ˈTƐƐNƖ, ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• Sɛɛ ˗a ˗yi ɔ sɛ nɩɩ, ˗aa ŋlʋdaayu ˈkää ˈcɩaa möä yii, ɔ gïganɩ a˗a sasɛ ɔɲɩ ˈwlu ˈnɩ?

• ˗Aa ŋlʋdaayu ghlɛnɩ a˗a nimïyɩbhäkïbhï a ˗nɩ a ˗nɩ ˈmö ˈn ɔ yiɛ ˗mɔ ɔ ˈcɩaa Biblë kwänɩ, nzɩ ɔ ˈkä sɛ ɔ pää Isaïe 41:10, 13 a dɔˈwʋ dlɩ a wɛlɩɩ bhïla. Sɛɛ ˗aa ŋlʋdaayu ˈzʋzʋnɩ ɔ ˈmö ˈnɩ?

• ˗Mɔ ˗wʋä Biblë ˈcɩɛ dɔˈwʋ, ˈsaa Biblë a gbɛlɩ ˗ɲɛ video ˈsɔ nɔ bhä ˈwlu ˈnɩ?

Zetinaa a wɛlɩɩ, nɩkpa a ˗bɛ ˈniɛ sasɛ ˈmö ˈnʋ. Sɛɛ Lagɔ ˈwlʋä ˈɔ yuu ˈmö ˈn ɔ yiɛ wa za ˈkuu, wa ˈniɛˈɛ sasɛ ˈmö ˗ŋö. (Ga 2:20) Zaa ˗a kä ˗a ˈkuë kwänɩ nzɩ wa ˈkɩ dlɩ ˈwʋ ˗kä nɩɩ, wa za Zezwii bʋbɔnɩɛ ɔɲɩ Lagɔ.

A NƖ YLƐ VIDEO, ˈBƆGƲ “A NƖ ˗BHÖLƖ ˈKWÄDLƖNƖ!” ˗A NƖ GHLƐNƲ ˈMÖ ˗A ˈKUË KWÄNƖ WA ˈKÄ ZEZWII DLƖ ˈTƐƐNƖ, ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• Sɛɛ ˗a ˗yi ɔ sɛ nɩɩ, ˗aa ɲɩbhɛlʋdaayu ˈkää ˈcɩaa möä yii, ɔ gïganɩ a˗a sasɛ ɔɲɩ ˈwlu ˈnɩ?

• ˗Lii ˗yɩ ˗wʋä dɛ wa ˈzʋä “Yɩlii yɔwʋ”, sɛ ɔ ghlɛni ɔ ˈmö ˈn ɔ yi ɔ ˗mɔɔ ɔ ˈcɩaa Biblë kwänɩ ˈnɩ?

• Sɛ ɔ bhibhee ˗mɔɔ ɔ ˈcɩaa Biblë a za, ˗yɩ kä ɔ ˈŋlɩ ˈn yɩ kä ɔ dɛsɛ ˈnɩ?