˗ABHƲA KLƖTƖƐWAA SƐ ˗A ˗BHÖLƖƐ
Wa ˗yimö ŋanɔ ˈlɩbha aˈbhë ˗kë, ˈtɛɛnɩ Zoova dlɩ
Nɩkpɛ ˗kaɲɩ ŋanɔ ˈlɩbhä, yɩ bhɛnɩ yɩ ˗kaɲɩ ˈklɩ ˈyɩa, ˈn yɩ bhɛnɩˈɛ yɩ ˗kaɲɩ dlɩpänɔ ˈɲɛ. ˗Tiamö a bʋbɔbʋbʋ a za, wa ˗kaɲɩ ˗gblɩ ˈn wa ˗kaɲɩ ŋanɔ ˈlɩbha, yɩ bhɛnɩˈɛ yɩ ˗kaɲɩ swɩ yɔwʋ ˈkuanɩ ˗mä lagɔwɛlɩɩ ˈmö a dɔˈwʋ. Zaa, yɩ dɔˈwʋ sɛɛ ˗a ˈkä ɔ ˗aɲɩ ˈwʋ ˗kʋ ˈnɩ?
Zoova a bʋbɔbʋbʋwa a ˗bɛ, sɛɛ wa ˈtɛɛnɔɔ dlɩ a za, yɩ kä ˈŋlɩ ˈn wa yiɛ nɩkpa a ŋanɔ ˈwlu ˈplɩ. (Ps 18:17) A yɩɛ, ˗lizoku Amanɩ yɩbhä ɔ ˈkä nʋʋ, Ɛsɩtɛɛ ˈnɩɛ ɔbhlɩ yɩ wɛlɩɩ ˈwʋ ziza. (Est 7:1-6) Ɛsɩtɛɛ ˈkä bhïla yii, su ɔ plɛɛ ˈwë ˈn ɔ yiɛ bhla bhïla, ɔ yiɛ tula nɩɩ ɔ ˈtɛɛnɩ Zoova dlɩ. (Est 4:14-16) Sɛ ɔ ˈzʋ daˈa a za, Zoova yoo ˈɲu ˈpä ˈn ɔ yoo ˈwʋ ˗kʋ, ɔ ˗ɲɛ ˈɔ ŋëyii ˈsɔ.
˗Dɩgböɲɩ, nɩkpɛ ˗kaɲɩ ŋanɔ ˈlɩbha ˈn yɩ ˗kaɲɩ yɔlɔa, ˗a nɩ bhibhe Zoova ˈn ˗a nɩ ˈɲɛ nɩkpɛ ˈkɔdɔ ˈdɩ, ˗ɔ glɩnɩɛ ˗aa ˗kosu yɔwʋ a ˗nɔ, nzɩ ɔ ˗kaɲɩ kwänɩ. ˗A nɩ kɩ dlɩ ˈwʋ nɩɩ Zoova ˗yiɲɩ kwänɩ, sɛ ɔ kwänɩɛ Ɛsɩtɛɛ. ˗Lu ˗mu ˗a bhɛnɩ ɔ ˈyɛ ˗a ˈkä nʋ nzɩ ˗a ˈkä ˗wa ˈlɩbhaɲɩɛ ŋanɔ ˈwlu ˈplɩ ˈnɩ?
A NƖ YLƐ VIDEO WA LAA, MA VIE D‘ADO: COMMENT JE PEUX FAIRE FACE AU HARCÈLEMENT? ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:
Saa ˗dɩgbö bhɛnɩ ɔ wa ˈkä Saali ˗ɲɛ Felɛ ˈsɔ a dɛ ˈcɩɛ ˈnɩ?
˗Wa ˈlɩbha yuëa ŋanɔ a za, sɛɛ Saali ˗ɲɛ Felɛ ˈsɔ gbää a dɔˈwʋ, sɛɛ ˈyuëlowluwaa ˈkä ɔ ˈwa yuëa kwänɩ nzɩ wa ˈkä ˈwlu ˈplɩ ˈnɩ?