˗ABHƲA KLƖTƖƐWAA SƐ ˗A ˗BHÖLƖƐ

Kwänɩ ˗waaa Lagɔ ˗yi wa ˈkä ˈwa ˈwälaɲɔ yɩbhlɩnɩ

Nɩkpaa ˗waaa Lagɔ ˗yii, ˗n ˈkʋa zlɩ ˗mɛmɛɛ ˈmö lagɔwɛlɩɩ ˈɲɛ a dɔˈwʋ, ŋänɩ ˗n ŋänɩ bhä ˗a? ˗Na dɔˈwʋ, waˈa ɔ bhɛnɩ wa ˗kamö ˈyukwli ˗pʋnɩ ˗a? ˈN ˗sɩbhä a ˗li a ˗lii ˗kamö tɛkäsɛ ghlɩɩ, tɩ dlʋ nɩɩ nɩkpaa ˗waaa Lagɔ ˗yii, ˈn ˗wa gbäˈɛ nɩɩ Lagɔ ˈnɩɛ ˗bhölɩɩ, wa glaˈmö a ˗nʋa a ˗bɛ ˈzʋ Zoova a Bhlɩnɩwaa. ˗Sɩbhä a ˗nʋa ˈla, ˗n ˗kʋa ˈtikïyie ˈwʋ kwänɩ ˈn ˗n ˗kʋa ˈylimö tulanɩ nɩɩ Lagɔ ˗bhölɩɩ, yɩ kä ˈŋlɩ ˈn wa ŋluä lagɔwɛlɩɩ ˈwʋ cuu.—Gh 1:20; 10:14.

A NƖ YLƐ VIDEO, NƖKPA ˗WAAA LAGƆ DLƖ ˈTƐƐNƖ, WA BHƐNƖ WA ˈKÄ DLƖˈWƲKÄNƆ GHLƖ!: ˗WAAA LAGƆGLIGBË ˗KÄ, ˈN A NƖ YƖLƖ NIMÏYƖBHÄKÏBHÏ YƆWƲ:

Sɛɛ Tomaso a wɛlɩɩ bhɛnɩ ɔ yɩ ˗kamö kwänɩ ˗n ˈkä ˈmö ˗bhɩɔ nzɩ ˗n ˈkä nɩkpaa ˗waaa Lagɔ ˗yi lagɔwɛlɩɩ ˈɲɛ ˈnɩ?

Sɛɛ ˗n ˈkää gbä

Sɛɛ ˗a ˈkää ˈzʋ

Nɩkpɛ ˗kä nɩɩ ɔˈɔɔ Lagɔ dlɩ ˈwʋ ˗kä nʋʋ, ˗a nɩ tɩ ˈklɛsɛ bhïla, ˗a nɩ bhïla dlɩzɛmönanɩsɛ, ˈn ˈnɛgösɛ ˈn ˗a nɩ tula nɩɩ ˗a nʋ ˈɔ dlɩpäsaa ˈmö. (2Ti 2:24) Kïbhïï ˗yɩ bhɛnɩ yɩ ˈkɔ ˈmäna ˈwʋ ˗bhö, yɩ wɛlɩɩ mö ˗a nɩ bhïla. Kïbhïï ˗yɩ kwänɩɛ nɩkpa ˗mumuë ˈn wa yiɛ ˈylɩmö nɩɩ ˗lii ˈwuë a ˈwälaɲɔ ˗bhölɩɩ, ɔ ˗bhɩɔ bhä ˈmö ɔ ˈkɩ ˈyukwli ˗pʋnɩ ˗a? Zaa, lagɔbɔgwɩ ˗ɲɛ videwi ˈsɔ wa ˗bhɛ ˗sɩbhä a nɩkpa ˈla a za, ˗a nɩ ghlɛnii ˈmö. Blosu wa laa, La vie a˗t˗elle été créée? ˈn Cinq questions à se poser sur l’origine de la vie, ˗sɩkaa a dɔˈwʋ ˗aˈa ˈbɔgwɩ ˗a ˈcɩanɩɛ ˈmö a glaˈmö, yɩ ˗wʋmö ˗mä.

Nɩkpɛ a ˗mɔ ˈnɩɛ Lagɔ dlɩ ˈwʋ ˗kää, ˗n ˗ɲɔɔ ˈsɔ a ˈkä ˈdɩsɛsʋ tɛɛ a dɔˈwʋ, yɩ bhɛnɩ yɩ ˗kamö kɛˈmö ˈtɛɛnɩ. Lagɔdaayu a ˗mɔ yɛɛ ˗mä lagɔwɛlɩɩ ˈmö ˗jɩbhɛnɩɩ, ˗n bhɛnɩ ˗n ˈkɔ ˈdɩ ˈɲɛ nzɩ ɔ ˗kamö kwänɩ. Nɩkpa ˈla ˗wa ˈniɛ dlɩ ˈwʋ ˗kä nɩɩ Lagɔ ˗bhölɩɩ, tɩ dlʋ nɩɩ Zoova bhɛnɩˈɛ ɔ ˗kamö kwänɩ ˗n ˈkä wa dila kɛ zɩ.—Nʋ 13:48.