Sɛ a pä bhä ˈzɩgblɛ a dɔˈwʋ dlɩ ˈnɩ?

SƐ BIBLË GBÄÄ

“Lagɔ [...] yuë ˈyli yɔwʋ sɩɔ ˈtɩɩ, ˈkwie ˈnaa ˈkä ˗mä ˗wʋ zaa, ˈlɩgbʋ ˈnaa ˈkä ˗mä ˗wʋ, dlɩyliyile ˈnaa ˈkä ˗mä ˗wʋ, ˈklɩyɩyɛ a ˈke ˗bhlʋ aˈbhë ˈnaa ˈkä ˗mä ˗wʋ ˈlɩlɩlɩ. Mäˈä ˈpɩwʋ a ˗lii ˈwuë, ˈyli yɩ ˈkää bhɩɛ, yɩ ˈnaa ˈkä ˗mä ˗wʋ.” —ˈKlʋkälɩwɛlɩɩ 21:3, 4, ˈMänatɩtɩ.

˗LI A ˗LII A ˈKÄÄ ˗MÄ ˈA ZƖKPA ˈMÖ GHLƖ

Libho ˗wʋ zʋä ˈmäna dlɩ zɛmö. —Isaïe 65:21-23.

Gulɩbhälɩbhʋ ˗ɲɛ ˈklɩyɩyɛ a ki ˈwuë ˈsɔ ˈnaa ˈkä ˗bhölɩ.—Isaïe 25:8; 33:24.

A ˗ɲɛ ˈa ˈligbë ˈmö a ˗nʋa ˗ɲɛ a ˈtuawa ˈsɔ, ˗a yi ˈkwädlɩnɩ ˈmäna ˈmö ˗bhölɩnɩ.—Psaume 37:11, 29.

˗A YI Ɔ SƐ BIBLË GBÄÄ DƐˈƐ ˗TIAMÖ DLƖ ˈWƲ ˗KÄ ˗A?

Nn. Kïbhï ˈlɛ ˈsɔ ˗kpɔ a za:

• Lagɔ bhɛnɩ ɔ ˈkä ˈsaa ɔ nʋä ɔ ˈkä ˗bhɛ ˈyli ˈwälanɩ klɩpaa. Zoova a ˈyize, ˈmö Biblë laa “Lagɔ ˗ɔ ˈghïli, ˗ɔˈɔɔ ˗sɩbhä a sɛ ˗wʋ.” (ˈKlʋkälɩwɛlɩɩ 15:3) Zaa ɔ bhɛnɩ ɔ ˈkä ˗aˈa zɩkpa ˈwlu gïgänɩ ˈtɩɩ. Nza Biblë nʋä nɩɩ, “Lagɔ a dɔˈwʋ, ˗lu a ˗muu ˈtɛɛ ˈmöö, wʋˈʋä ˗bhölɩ.” —Matie 19:26.

• Lagɔ yɩbhä ɔ ˈkä ˈsaa ˈwuë ɔ nʋä ɔ ˈkä ˗bhɛ ˈyli ˈwäla. Zoova “yɩbhä ɔ ˈkä ˗wa yɛ ˈku ˈwë glu ˗sɛ cuu.” —Job 14:14, 15.

  Biblë lɛ nɩɩ, Lagɔ ˈa yuu Zezwii yɛmanɩ guzuwa. ˈSaa kä bhä ˈŋlɩ ˈn ɔ yuë bhä yɛmanɩ ˈnɩ? ˗yɩ kää ˈŋlɩ mɩɛ nɩɩ, yɩbhä ɔ yɩbhɩɛ a za. (Maakö 1:40, 41) ˈƆ Dɩba a saa, Zezwii yɩbhä ɔ ˈkä wa yɔlɔ kwänɩ.—Zaah 14:9.

  Zaa Zoova ˗ɲɛ Zezwii ˈsɔ yɩbhä wa ˗kaɲɩ kwänɩ, nzɩ ˗aˈa ˈzɩgblɛ ˈa zɩkpa ˈkä ˈmäna ˈwʋ ˗bhö.—Psaume 72:12-14; 145:16; 2 Piɛlɩ 3:9.