A nɩ ˈzʋ aɲɩ wa ˈbhle ˈmö

ˈSaa Zezwii nʋ ɔ ˈnɩ?

VIDEO: Nɩkpa a ˗bʋbʋ a ŋäzɩ ˈlɩbhä a˗a Zezwii

1. Watch the VIDEO, or read Mark 6:30-34. Then consider the following questions:

1. (1) ˗Yɩ kä ɔ ˈŋlɩ ˈn Zezwii ˗ɲɛ ˈɔ tietiewaa ˈsɔ yɩbhä a˗a ɔ wa ˈkä ˈwa dɛ ˗wʋ ˈnɩ?

2. (2) ˈSaa ˈsunɩ a˗a ɔ ˗mä Zezwii ˈn ɔ yɩbhä a˗a bhä ɔ ˈkä nɩkpa a ˗bʋbʋ ˈla ˈcɩa ˈnɩ?

ˈSaa ˗a cɩɛ ɔ Zezwii a dɛ ˈnɩ?

2. ˗A yɩbhä ˗a ˈkä nɩkpa ˈwuë Lagɔ ˈa ˈtɩtɩ a ˗tɩtɩɩ ˈɲɛ abhlɩ, ˗maa ˗a yɩbhäˈɛ ˗a ˈkʋa ˈylimö tulanɩ nɩɩ ˗a zʋ ˗aɲɩ wa ˈbhle ˈmö.

˗Gänɩ Zezwii a gbäpö

3. A nɩ ˗pʋnɔ sasɛ ˈyukwli. ˗A nɩ ˈtatinɔ ˈyi ɔ ˈkä bhïla. ˗A nɩ tɩ ˈwʋ ˗päpanɩsɛ ˈɔ wɛlɩɩ ˈwʋ ˗dɩ. ˗Maa a nɩ ˗pʋnɔ sasɛ ˈyukwli. A ˗kä ˗sɩbhä ˈzʋ, ˈylimö ˗a tulanɔɔ nɩɩ ɔ gbʋ plɛnɩɲɩ ˈn ˈɔ wɛlɩɩ ɔ bhïla kä dɛsɛ.

4. Nɩkpa ˗aˈa lagɔwɛlɩɩ nɛnɩɛ dlɩ yɔwʋ ˗a nɩ ˈpʋa ˈwʋ dlɩ: A ˗kä ˈdɩ ˗sɛ dɔˈwʋ ˗wʋ a sɛ ɔ gbää, mö ˗n ˈkä ˗naɲɩ kïbhï ˈlɛ ˈwʋ ˈyɩbhänɩ:

1. (1) ‘˗Yɩ kä ɔ ˈŋlɩ ˈn ɔ kä ɔ ɔ ˈkä gbëawɛlɩɩ ˈnʋ ˈnɩ?’

2. (2) ‘Sɛɛ Biblë a ˈcɩɛcɩʋ bhɛnɩ ɔ wʋ ˈkɔ kwänɩ, ˈɔ zɩkpa ˈkä zɩˈɛ nɛnɩmanɩ, ˈn a ˈkäˈɛ zɩkö ˈmäna ˈwʋ ˗bhö ˈnɩ?’

5. ˗Lii ˗yɩ bhɛnɩɛ yɩ ˈkɔ kwänɩ, a nɩ ˈɲɔ yɩ wɛlɩɩ. Sɛɛ Biblë a ˈcɩɛcɩʋ bhɛnɩɛ wʋ ˈkɔ kwänɩ nzɩ ɔ ˈkä kïbhïï ɔ ˈyɩbhänɩɛ ɔɲɩ ˈwʋ a zɛmösɛna ghlɩɩ, ˈn sɛɛ wʋ ˈkɔˈɛ cii ˗mimii ˈmö kwänɩ, a bhɛnɩ a ˈkɔ ˗sɩbhä ˈylimö tulanɩ.