Zezwii ˈa ˈkwie a ˈwʋligbanɩzlɩ a za, wäzɩ -mä -naˈa ˈpɩɔ ˈyli a -nua ˈwuë!

Zezwii ˈa ˈkwie a ˈwʋligbanɩzlɩ a nɩkpa wäzɩwäzɛ -ɛ ˈkää fevlie a ˈylɩ 27 ˈwʋ tɛɛ, nɩkpa a -bɛ -a ˈkää wäzɩ nzɩ -lɛ a zlɩ ˈla ˈmö wa -ɲɛ -abhʋa ˈsɔ ˈkä ˈwlu yɩbhä. Mɔ -kä tulaa nɩɩ lagɔwɛlɩɩ nɛnɔɔ dlɩ yɔwʋ, -a nɩ kwänɔ pɛɛpɛ pɛɛpɛ.

SƐ A ˈKÄÄ ˈMÖZƲMÖZƲMÖ

SƐ -N ˈKÄÄ -NAƝƖGÄSƐ GBÄ

“Dɛsɛkälu ˈkɔdʋ -bhlʋ a za -a ɲɛɛ nɩkpa ˈwuë wäzɩkpʋ ˈlɛ. Maasɩ a ˈylɩ 23 ˈwʋ, nɩkpa a minɩɲwɩɩ yi -mä ˈbhlɩɩ ˈwuë -gömö ˈwlu ˈyɩbhä, wa ˈkä Zezwii Klii ˈa ˈkwie ˈwʋligbanɩ. ˈN -a yiˈɛ bhïlabhuluu ˈyukwli -pʋnɩ -wʋ ˈbhöönɩɛ -mä Biblë ˈmö, -wʋ ˈkää sɛ ɔ ˈkwie sɛɛ zɛmö -aa dɔˈwʋ zɛmö ˈmö -sɛnɩ. Nɩkpawäzɩkpʋ ˈlɛ ˈklʋ, dɛ -a ˈkää ˈwlu ˈyɩbhänɩɩ, ˈgïle -mɛ ˈmö wa ˈkää tɛɛ, yɩ ˈwuë cɛlɩ -lɛ. Za -yayaya -n -kä bhɛnɩɛ, yi.

Nɩkpɛ -kä tulaa nɩɩ lagɔwɛlɩɩ nɛnɔ dlɩ yɔwʋ nʋ . . .

• A NƖ ˈƝƐ LA TOUR DE GARDE

  Sɛɛ -n ˈkɔa ˈwʋ ˈsɔ ˈylɩmöä mö -n ˈkɔ lagɔwɛlɩɩ ˈɲɛ, ˈzʋ -sɩbhä.

• ˈZƲ -LƐ ZEZWII ˈA ˈKWIE A ˈWƲLIGBANƖZLƖ A VIDEO

  Sɛɛ -n ˈkɔa ˈwʋ ˈsɔ ˈylɩmöä mö -n ˈkɔ lagɔwɛlɩɩ ˈɲɛ, ˈzʋ -sɩbhä.

-N -kɔɔ ˈwʋ ˈsɔnadɔˈwʋ ˈylɩmöä möö, -n bhɛnɩ -n ˈkä nɩɩ . . .

• ˈZƲ -LƐ ˈSAA KÄ BHÄ ˈŊLƖ ˈN A KÄ Ɔ A ˈKÄ BIBLË ˈCƖƐ ˈNƖ?

  ˈN ˈɲɔ ˈbɔgʋ -a ghlɛnɩɛ ˈmö ˈn -a cɩaa nɩkpa Biblë.

• ˈƝƆ ˈBƆGƲƲ WA LAA QU’ENSEIGNE REELLEMENT LA BIBLE ? YOWƲ

  Ghlɛnɩ kpɩ 206-208 ˈmö nzɩ -n ˈkɔ -lii -mimii ˈcɩa Zezwii ˈa ˈkwie a ˈwʋligbanɩzlɩ a dɔˈwʋ. N ˈɲɔ ˈbɔgʋ yowʋ.

• ˈƝƆ BLOSU WA LAA -A -PƲNƖ LAGƆ ˈYUKWLI

  Ghlɛnɩ kpɩ 18-19 ˈmö nzɩ sɛɛ Zɛzwii a ˈkwie sɛɛ zɛmö, -n ˈkɩ zɛmö -sɛ. ˈƝɔ blosu yowʋ.