“-N -kä Biblë ˈcɩa dɔˈwʋ -wʋ, tɩ sɛˈɛ ˈzʋ”

Tɩ bhïla -këkëkë: Tɩ dlɩ ˈpä nɩɩ, -lii ˈwuë a dɔˈwʋ, -n -kä -n ˈkä nɩkpa dlɩ -gömö -sɛsɛnɩ. Nɩkpa ˈkä ˈsaa ɔ ˈcɩa a-a ˈmö ˈnʋ a dɔˈwʋ, nimïyɩbhäkïbhï ˈmö Zezwii ghlɛnɩ a-a ˈmö. (Mt 17:24-27) Nimïyɩbhäkïbhï -yimo kwänɩ -n ˈkä ˈsaa -n ˈcɩaa Biblë ˈnʋä ˈmö -ɲɛ ˈsaa ɔ kää dlɩ ˈwʋ ˈsɔ -yi. (be-F 253 § 3-4) -N -kɔɔ ˈkïbhë ˈwʋ yɩbhänɩ, dlɩ ˈmö -kpaanɩsɛ, -kʋnɩ sɛ ɔ ˈkää gbä. ˈN ˈɔ zɛmösɛna ˈnɩ -kpö ˈwʋ -wʋ, tɔɲɩ sʋlʋnɩ cuu, maa ˈyɩbhänɔɔ ˈkïbhï -mimii ˈwʋ -yɩ ˈkɔɔ kwänɩ ɔ ˈkä nimïyɩbhäkïbhë ˈla a zɛmösɛna ghlɩ.—(be-F 238 § 1-2) Adaptez la vitesse d’enchaînement des idées pour que l’étudiant puisse saisir les nouvelles idées.—be-F 230 § 4.

-Bhɛ ɔ ˈkä sasɛ ˈmö ˈnʋ: A -kä wɛlɩkïbhë -bhlʋ yɔwʋ yɩlɩ dɔˈwʋ -wʋ, ˈnɛmanɩ -naɲɩ ˈwʋ -n ˈtɔ a-a ˈsaa ˈwuë -n -yiɛ ˈkïbhë nɩ a dɔˈwʋ ˈɲɛ. (Zh 16:12) Zɛmösɛkïbhë a ˈsaa kää dɛsɛ, ˈmö -n nɩ pɩɛnɩ ˈwʋ. (be-F 226 § 4-5) -N -kä -lii ˈtikïyiea ˈwuë ˈmö -sɛnɩ, yɩ yi gbä ɔ ˈnaa ˈkä dɛsɛkäkïbhï ˈwlumö ˈzʋ. (be-F 235 § 3) -N ˈcɩaa, -n -kä sɛ -yi nɩɩ ɔ yɛ dɛsɛkäkïbhëa ˈmö ˈnʋ ˈwë, a nɩ ˈmö ˈyukusɛ.

Tɩ ˈwʋ -päpanɩsɛ ˈyukusɛ mö cuu: -Aˈa ˈsaa -a yɩbhää miɛ nɩɩ, -a ˈkä nɩkpa a dila kɛ zɩ, maa -a ˈkä ˈyukusɛ mö cuu ˈmö -a ˈnɩɛ sɛ tɛlɩ. (Lk 24:32) Ghlɛnɩ lagɔwɛlɩɩ a ˈmötɛɛnɔɔ ˈmö -n ˈkä Biblë ˈa gbɛlɩɩ -yɩ -wʋä -mä ˈcɩɛcɩɛkïbhï ˈmö ˈwʋ pɩɛnɩ. (2Kɔ 10:4; Eb 4:12; be-F 144 § 1-3) Nʋnɩ ˈwʋpälɩwɛlɩɩ libho ˈmö. (be-F 245 § 2-4) -N ˈcɩa a ˈsaa ˈyɩɔ ˈklɩ ˈn ˈsaa ɔ kää dlɩ ˈwʋ, ˈmö -n kä ˈwlumö, -n -kɔɔ ˈcɩa dɔˈwʋ -wʋ. Yɩbhänɔ sɛˈɛ a kïbhï ˈwʋ: “ˈSaa -n cɩɛ, sɛ -n pä ɔ yɩ dɔˈwʋ dlɩ ˈnɩ?” “-Minɩ ˈlɛ, ˈsaa yɩ ˈcɩaɲɩ ɔ Zoova a dɛ ˈnɩ?” “-N -kä ˈdɩmözʋwɛlɩɩ ˈlɛ -gänɩ, -li a -lii a -mi -n ˈki ɔ ˈmö ghlɩnɩ ˈnɩ?”—be-F 238 § 3-5; 259 § 1.