Yi, -n -ɲaˈmö ˈsɔ -a ˈkä ˈkwädlɩ ˈwʋ -bhlinɩ: Yɩ dɔˈwʋ ˈsaa -a ˈkä ɔ nʋ ˈnɩ?

9:62

Glʋglʋɲɔ -kä -bluku ˈpä dɔˈwʋ -wʋ, ɔ -kä nɩɩ yɩ ˈkä ˈmö zlɔnɩ nʋʋ, -lii -yɩ plɩɛ -mä ɔ nimï ˈwʋ, ɔ ˈniɛ ˈyi ˈtatinɩ nzɩ yɩ ˈkɔ dula. Sɛ -bhlʋ -kpɔ ˈla, -sɩbhä klɩtɩɛ ˈnɩɛ -kä ɔ ˈkä -lii ɔ panɩ a-a -gömö dlɩ ˈwʋ ˈpä ˈyize.—Fil 3:13.

-A -kä yɔlɔylʋ ˈmö -wʋ, dɛɛ -aaa -bhlɛ -kamä klɩtɩɛ ˈzʋ, ‘-li a -lii -a kä a-a ˈn sɛ -a -bhölɩ a-a sasɛ’ -a yi ˈwʋ dlɩ ˈpä cuu. -A -kä -sɩbhä ˈzʋ, -lizoku -yɩ ghlɩɩɲɩ a-a, mö -a dlʋä ˈwʋ cuu ˈn -lii -yɩ -bhöɲɩ a-a ˈmäna ˈwʋ a ˈyize, mö -a ˈpää teɲii dlɩ ˈwʋ. -Sɩbhä Yizlaɛlɩ a -nʋa ˈzʋ a-a, dɛ wa ˈbhöö a-a -mä Ezipötɩ. (Nb 11:5, 6) -A -kä -sɩbhä a dlɩpäsaa -kä, yɩ -yiɲɩ -mä ˈsunɩ ˈn -a yi -aˈa bhlaˈmö a -bhölɩbhölɩsaa ˈwʋ ˈsɔ ˈwʋ ˈlibhïnɩ. ˈƝupälɩ -a ghlɩɛ zɩˈɛ ˈn -li a -lii Lagɔ ˈa ˈKämanɔɔ ˈkää zɩkö nʋʋ, -a -kii dlɩ kɛ ˈpänɩ, mii nɛnɩɛ -aa dɔˈwʋ!—2Kɔ 4:16-18.