-A nɩ bhlɩ ˈmänasɛ ˈlwɩ, -a ˈkä Zoova ˈa ŋlɩ ˈghlimanɩ

Pɔɔlʋ -ɲɛ Silasɩ ˈsɔ, dɛ wa ˈpʋa -jie ˈmö, ˈlwɩ wa bhlɩɛ ˈn wa yiɛ Zoova ˈa ŋlɩ ˈghlimanɩ. (Zt 16:25) Lwɩɩ wa bhlɩɛ, mii ˈɲʋa ˈmötɛɛnɔ ˈn wa ˈkunɩ a-a ˈmlɩ. ˈN -abhʋa ˈnaa? Lwɩɩ -a ghlɛnɩɛ ˈmö ˈn -a bʋbɔɔ Lagɔ, ˈn -aˈa ɛtɛnɛtɩ ˈklʋ a lwɩɩ -yɩ wluä ˈcwɩ ˈwuë ˈmö, yɩ bhɛnɩ yɩ -kaɲɩ kwänɩ -a ˈkä ˈyli yɔwʋ ˈtɛɛ. Yɩ yiˈɛ ˈŋlɩ -kä, -a -kä ˈklɩ ˈyɩ dɔˈwʋ -wʋ, -a ˈnaa ˈkä Lagɔ a dlɩtɛɛnɩtɛnɛ kɛˈmö -sɛ. Lwɩɩ, ˈsaa yɩ nʋä teɲii aˈbhë miɛ nɩɩ, Zoova ˈa ŋlɩɩ ˈmö yɩ ˈghlimanɩɛ. (Ps 28:7) -Aˈa lwɩɩ, -a kä -a ˈki sasɛ ˈcɩɛ, -a ˈki ˈwlumö -yinɩ. -N yɛla ɔ -lii ˈmö, -n ˈkä -sɩbhä ˈzʋ -a? -A -kä -aˈa ˈligbë ˈmö a Biblë a ˈcɩɛcɩʋ -bhɛ, -a nɩ yɛla -lii ˈmö -a ˈkä lwɩɩ ˈcɩɛ, -a ˈkia ˈwlumö -yinɩ.

A NƖ YLƐ VIDEO LES ENFANTS LOUENT JÉHOVAH PAR LEURS CHANTS, ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• 

  Lagɔ ˈa Kämanɔɔ a lwɩɩ -a bhlɩɛ, -li a -lii a -mi yɩ bhɛnɩ ɔ yɩ -kaɲɩ ˈwlu nʋ ˈnɩ?

• 

  -Wa -wʋnɩɛ video a -lii ˈyli, yuëa -kä bhlɩɛ yi, sɛ wa gïganɩ ɔ waɲɩ ˈwlu nɩ?

• 

  ˈYuëlowluwa -ɲɛ ˈwa yuëa ˈsɔ, sɛ wa gïganɩ ɔ waɲɩ ˈwlu ˈn yuëa mö ɔ bhlɩɛ ˈnɩ?

• 

  Lagɔ ˈa Kämanɔɔ a lwɩɩ ˈwuë a dɔˈwʋ, lwɩɩ -mi nɛnɩmö ɔ teɲii dlɩ yɔwʋ ˈnɩ? ˈN -yɩ kä ɔ ˈŋlɩ ˈnɩ?