-ABHƲA KLƖTƖƐWAA SƐ -A -BHÖLƖƐ
-A nɩ -kpaanɩ dlɩ ˈmö, -a ˈkä -kʋnɩ ˈyize
Sɛɛ -n -kʋnɩɛ Lagɔ ˈa ˈKämanɔɔ ˈkä yi a ˈtɛɲɩ -zɩmö ɔ dɛˈɛ ˈnɩ? -Mä -naˈa ˈklɩyɩyɛ ˈmö, -n ˈkunɩ ɔ ˈmlɩ ˈyize, ˈn -n -kpaanɩ ɔ dlɩ ˈmö -a? (Gh 8:25) Wa -gblɩ Klɩtɩɛwaa -mumuë, wa nʋa -lizoku ˈwlu, wa pʋa -jie ˈmö, wa lɩbhäˈɛ -mumuë ˈn wa kuä. -Mumuëˈɛ gwi ˈkädɩ lɩbhʋa, ˈn gɔgʋ yɔlɔaˈɛ -mumuë.
ˈKlɩyɩyɛ a ki ˈla ˈwuë a dɔˈwʋ, ˈsaa -kaɲɩ ɔ kwänɩ -a ˈkä dlɩˈmökpaanɩsɛ -kʋnɩ ˈyize ˈnɩ? -A ˈkäa ˈkwädlɩ Lagɔ dlɩ ˈtɛɛnɩ a za, zila ˈwuë ˈmö, -a nɩ zɛlɩ Biblë ˈmö, -a ˈkɛ dlɩ kɛ ˈpänɩ. Sɛ yɩ yi ˈmö -wʋ -kë, -a nɩ ˈtɛɛnɩ Lagɔ dlɩ ˈyize. (2Kɔ 4:16-18; Eb 12:2) -A nɩ bhibhe teɲii Zoova, ɔ -kaɲɩ ˈɔ ˈwugɔmʋʋ ˈɲɛ, -a ˈkäa ˈmötɛɛnɔɔ ghlɩ. (Lk 11:10, 13; Eb 5:7) -Aa Dɩba -ɔ -waɲɩɛ, ɔ bhɛnɩ ɔ -kaɲɩ kwänɩ nzɩ ‘dɛ -a kää sɛ -a ˈkä -lɛ kɛ ɲɔnʋ. Zaa, ˈmäna nɩ lɩbhaɲɩ.’—Kɔ 1:11.
A NƖ YLƐ VIDEO WA LAA “DƐ -A KÄÄ SƐ, A-A NƖ ƝƆNƲ -LƐ KƐ -KËË -A ˈKÄ -MÄ ˈGBË ˈWƲ GHLƐ”: KƖ DLƖ ˈWƲ NƖƖ, -N YI ˈWLU ˈPLƖ, ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:
-Mäˈä pɩwʋ nɩ ˈwʋ, -lu -mu bhɛnɩ ɔ wʋ ˈkä zɛmövusɛ nɩkpɛ ghlɩ ˈnɩ? (Ec 9:11)
-A -kä ˈklɩ ˈyɩ dɔˈwʋ -wʋ, sɛɛ bhibhebhibhiu bhɛnɩ ɔ wʋ -kaɲɩ kwänɩ ˈnɩ?
-A ˈnɩaˈa bhɛnɩ -a ˈkä Zoova ˈa libhoo nʋ bhlaˈmö a saa, -yɩ kä ɔ ˈŋlɩ ˈn -a ˈkä ɔ ˈyli yɔwʋ ˈtɛmanɩ nzɩ -a ˈkä ˈsaa -a bhɛnɩɛ nʋ ˈnɩ?
ˈSaa -n ˈkää zɩkö -mä ˈgbë ˈwʋ ghlɩɩ, ˈtɛɛnii dlɩ ˈyize.
ˈSaa -kamö ɔ kwänɩ nzɩ dɛɛ -n kää sɛ, -n ˈkä -lɛ kɛ ɲɔnʋ ˈyize, -këë -n ˈkä -mä ˈgbë ˈwʋ ghlɛ ˈnɩ?